食道樂 (嘉華大廈) (Closed)

今日放工後同老公去荃灣廣場睇犯罪都市2，睇完韓片自然想食韓國菜，上網搵到戲院附近有間特色小店，於是就去幫襯吓。餐廳佈置好可愛，好有韓國感覺，佢哋用咗課室做主題，入到去好似返咗去中學年代，好年輕好青春。老闆同老闆娘都係韓國人，老闆話所有泡菜、小食、主菜、湯等，全部都係佢哋自己製造，真材實料，絕對無用包裝食品，好有誠意，味道都好地道。我哋都想飲啲熱湯，於是點咗哩度嘅人氣菜式—一隻雞鍋🐓同煎餃子🥟。1️⃣ 一隻雞鍋 🐓🍲 $318雞湯好濃郁好新鮮，熱辣辣，飲嘅時候好暖胃好舒服，忍唔住一碗接一碗咁飲。雞鍋裡面除咗雞之外，仲有紅蘿蔔🥕、薯仔🥔、蒜頭🧄等配菜，另外仲有一碟韓國刀削麵，外型有啲似烏冬，煙韌彈牙，口感一流！最好味嘅係最後加入米飯🍚再煮成粥，鮮味十足，十分入味！老闆話哩個雞鍋係東大門名菜，正🤤！2️⃣ 煎餃子 🥟 $68餃子炸到脆卜卜，裡面嘅豬肉好香。再加入老闆親自調配嘅柚子醬汁，好味😋！想大讚個柚子汁，十分清新開胃，濃郁惹味。一定會再幫襯❤

<正宗韓國校園風料理>😋位於荃灣這間韓國餐廳, 在外面看上去似平凡. 但當你一踏進店內, 你會完全感受到自己好似真係去左韓國既地道小店. 老闆娘係韓國人, 而且整間店既裝修都充滿著韓國校園風, 坐位好像課室一樣, 二人並排而坐, 好少餐廳有咁特既設計, 好似入左校園課室食午餐咁🤩<辣炒豬肉蓋飯>😋 滿滿的辣豬肉, 再加上隻煎蛋同洋葱, 十分惹味滿足. 而且份量算多, 食飽好有滿足感.<韓式水冷麵配烤牛肉>😋 呢幾日天氣咁熱, 食呢個涼浸浸既水冷麵非常合適. 配埋烤牛肉, 蛋&蘿蔔, 非常消暑.整體來說絕對係一間高質, 好味, 而且又抵食既正宗地道韓式小店, 值得回頭再食呀😍🥘餐廳 : 食道樂🍳地址 : 荃灣享和街18號嘉華大厦地下C 號舖

午飯時間同朋友一齊喺荃灣西站附近，想搵間快靚正嘅餐廳醫肚，行過呢間韓國🇰🇷小店，記得好耐之前嚟過，味道唔錯，咁就決定同朋友入去開餐😆我哋叫咗 $98 嘅 Grilled Marinated Beef Boneless Chuck Flap + LA Beef Short Rib + Rice set，同埋 $88 嘅 Spicy Soft Tofu Seafood Stew + Rice, 全部 share 嚟食 😆「豆腐海鮮湯」先上，滾熱辣👍，味道濃郁，豆腐好滑😋，辣辣哋好開胃😋。燒牛肉好有牛味，仲可以用生菜包住米飯、牛肉、生蒜頭🧄、辣椒🌶️ 、甜辣醬 一齊食，好有韓國🇰🇷風味，好食😋真係簡單好食嘅一餐，仲係街坊價錢添😆

本身食過幾次人蔘雞，138蚊全隻上都覺得ok幾好食，同埋配菜都有幾款幾好，到早幾晚叫左個炸雞同紫菜包飯，拎上手都唔係好覺，返到屋企一打開個炸雞就已經知奶野，數埋得十舊，搵哂成盒最大果個都係同個飯一樣大，再去睇其他食評寫炸雞份量足，唔係呀麻，呢份炸雞收168得咁既份量？ 先唔好講係韓國果度食，香港食過咁多間炸雞有平有貴，但係168都唔算得平，但係個份量砌埋都無人地半隻雞，似係人地一件雞胸開4舊比你咁，味道唔差，但係食完好似無食過野咁，同埋加埋200幾蚊配菜反而得泡菜，失望，唔會再幫襯

這次去了一家挺特別的韓國餐廳，環境以校園主題風裝修，用了學校的桌子做餐桌。環境雖然不太大，但感覺挺特別的，仿佛回到校園的感覺🙈。隨食物附送韓式小吃，共有三款不同口味。-💥辣海鮮豆腐湯 HKD$88，這個味道很香，而且用料挺多的😚，跟餐有白飯附送。材料有青口、魷魚、豆腐、金菇、流心蛋及蔬菜。豆腐份量較多，口感嫰滑入味。這個味道帶點辣味，湯頭濃郁不咸，整體口感豐富。-💥牛肉蓋飯 HKD$98，面頭有太陽蛋鋪在牛肉上，牛肉份量挺多的。牛肉拌著蔬菜賣相鮮豔🤩，肉質嫰滑口感煙韌。牛肉挺入味的，味道帶點甜味。用蛋汁拌飯吃口感更濕潤。-

小店由韓國人主理，全部店員都要用英文溝通~感覺特別正宗！餐廳唔大，格局溫馨，設計好似課室咁樣，有晒書包🎒學校木枱、黑板等等裝飾設計。食物就主要提供韓式飯卷、湯、各種便當等等韓式料理。仲有午餐set Menu提供。附送四款韓式拌菜有泡菜、薯仔火腿絲，豆皮同埋醃菜，全部都係自家製作，非常地道～辣海鮮豆腐湯$88呢個湯好足料，入面有各款海鮮、洋蔥、翠玉瓜等等配料，豆腐非常嫩滑，辣辣地好惹味，送白飯一流！辣豬肉飯卷$65呢度嘅紫菜包飯絕對係必食之選❤️ 入面有醃蘿蔔、紅蘿蔔絲、雞蛋、腐皮同埋辣豬肉，表面仲有麻油同埋芝麻，辣豬肉微辣又香口。份量都好充足～

嚟荃灣做完嘢，行經女友推薦嘅「SICDORAK食道樂」，於是決定入去醫肚。💪🏻.門面同裡面都充滿韓式風格嘅裝飾，廚師同樓面都係韓國人。.天氣凍，好適合嗌一個「辣海鮮嫩豆腐湯 配白飯」（$88）嘅主食。😍.前菜有三樣小食，泡菜、絲瓜同魚肉各有特色。.辣海鮮嫩豆腐湯材料豐富，有海鮮如蝦仔、墨魚仔、青口，亦有素菜如翠肉瓜、嫩豆腐、大蔥同金菇。.湯底有淡淡嘅翠玉瓜清新味道，亦有香甜辣味嘅海鮮，配飯係好唔錯嘅選擇。☺

自從上次和好友來到這裏品嚐過一次後，久不久便會記起這間由韓國人主理的小店！今天決定一個人來到這裏吃午餐，再回味一下韓國料理的味道。還是那充滿韓國感覺的裝潢呢！學生書桌、書包、座椅和黑板，店內還循環播放着韓文歌曲！這裏還有韓國特色小菜伴菜可獨立售賣。看了看午餐的宣傳單張，決定點選「石鍋拌飯」(豬肉)。這裏除了有韓式石鍋拌飯、蓋飯、泡飯、炒飯外，也有韓式拉麵和套餐供客人選擇。熱辣辣、滋滋聲、冒着煙的「石鍋拌飯」(豬肉)($88)到啦！最喜歡聲、色、香、味區全的石鍋拌飯！這裏的石鍋拌飯由八種材料組合而成，包括荳芽菜、菠菜、紫菜、紅蘿蔔、香瓜、木耳和雞蛋，肉方面客人可以選擇牛肉、雞肉或豬肉，也可以選擇無肉的石鍋蔬菜伴飯，肉就會以香菇代替。調味方面，除了有香油和白芝麻粒外，當然不少得韓式拌飯必備的甜辣醬。急不及待加入甜辣醬，然後把所有材料和調味混合起來！就是喜歡韓式拌飯把所有食材混合在一起的味道。不同材料的香氣和味道，一次過在口腔中散發出來；惹味又讓人上癮的辣度，微微鹹香、甜醬味和新鮮蔬菜的香味，每一口都有各種食材不同的口感，滋味滿滿！附送的韓式伴菜味道也不錯，微鹹的、香辣的、多汁的、有咬口的，

今日同朋友行過荃灣買嘢，適逢兩三點又有啲肚餓，見到有間韓國餐廳，入面好似課室咁，記得意，一於入去試吓。真係估唔到入到去嘅店員係韓國人，所以要用英文溝通，餐廳嘅枱櫈好似課室咁，牆上面嘅裝飾都係韓文，真係好似去咗韓國咁呀食韓國嘢當然要一個辛辣麵啦，然後就要咗個牛肉石鍋飯。辛辣麵都幾好食，胡椒味好重，本來以為唔辣，點知都幾夠辣喎。跟住牛肉石鍋飯都幾好食，牛肉都有四至五舊，撈埋啲醬汁食幾好食。另外佢比嘅泡菜伴碟都幾好食，大家可以試吓！

今日去咗荃灣交收完，就順便食埋晏就先走。同朋友揀咗好耐，最終就揀咗呢間韓國餐廳食，呢間餐廳嘅外觀好得意，成間課室咁，仲要有好多習作嘅樣係度，好有代入感。豬肉飯個飯好夠汁，而且唔會太辣，食落去唔會覺得太濃味。隻蛋因為係太陽蛋嘅關係，個蛋黃仲可以吸食，唔會煎到太老。當然唔少得個主菜，個豬肉都好入味，食落去既唔會好韌口，又唔會淋到好似肉餅咁，整體嚟講我覺得都係有為香港人口味調整。牛骨湯+飯個湯第一啖飲落去已經好夠味，啲牛骨因為係用嚟煲湯嘅關係，肉質都好淋，連啲根都好易就咬得開，而個湯仲有粉絲同金菇菜，吸曬啲湯嘅味，簡直係夾曬同白飯一齊食，食到停唔到手。

呢一條街有唔少食肆韓國🇰🇷家庭主理 已經有3間分店的學生主題店學生主題 即係佢用嘅餐枱原來係學校使用的喺櫃桶同埋勾掛上嘅書包 都裝上左menu而每一份menu都係手繪 超靚又有心!! 舖頭唔係好大 但係每一處佈置好精美 好可愛 仲有一自助區 自己可以自選買kimchi 走時下興的魷魚遊戲曲奇 都可以$10購買的贏咗仲會有小禮物 有得玩好開心佢標榜係新鮮食材直接烹調 不使用包裝的即食食品醬汁亦都係自己製作 保留店舖獨特性之餘 原汁原味 食出食材嘅真味道海鮮嫩豆腐湯配白飯 $88清甜海鮮湯 超滑豆腐 係入口就可以滑落喉嚨嘅質感 又有豆味 用上了大量材料 八爪魚 蜆肉 生雞蛋 青口 青瓜 翠玉瓜 金菇每一口都係充滿鮮味嘅材料食韓國嘢嘅清清地選擇 都好啱同小朋友一齊食午市凍飲只*$8揀咗一隻蜜桃汁 啖啖果肉 悠久歷史出面冇見有得買 呢度一見到就想試吓真係好好飲另外餐廳好有心見我帶住個小朋友特登整一啲 menu 無的炸物俾我哋食 有魚餅 雞肉條 炸餃子平時食韓國料理 呢啲魚餅都係用湯整熱佢黎食估唔到炸都咁好味 有少少咬口嘅口感炸餃子 🥟 所包的餡料都好鮮甜 有菜又有肉炸雞肉條 好juice 三樣

牛肉大醬湯 牛肉碎得幾片仔（圖中係成碗湯全部嘅肉）唔講以為自己食緊素食 湯內主要得白蘿蔔個湯又咸又水汪汪 似湯包加水加鹽前菜又唔好味都唔知點解啲人讚佢正宗一係打手 一係未去過韓國 一係唔知正宗嘅意思定價已經貴 仲要收加一大伏 ！

呢日黎到荃灣廣場行街，知道享和街附近開咗好多新餐廳，呢兩年疫情都冇得周圍飛，勁掛住韓國，見到開咗一間韓國新餐廳就入去試吓。餐廳佈置類似學校課室都幾得意，位置唔係好多，除咗堂食仲有地道韓國前菜外賣，門口附近仲有飲品雪櫃一目了然，我仲聽到大廚係韓國人👍🏻夠哂正宗。一碟三款既前菜，泡菜味道剛好，小辣唔會過酸，啱我口味。天氣涼涼地想食個湯鍋，就叫咗個辣海鮮豆腐鍋，辛辣刺激都幾多料，有青口、魷魚、金菇、翠玉瓜、豆腐等等，仲會跟個白飯一齊食，鍾意辣既朋友吾以試下👍🏻 Bulgogi烤肉配生菜，包飯醬，蒜片同辣椒，醬汁係韓式烤肉汁，個甜甜地係我鍾意既味，用生菜包住食，可以自己自由配搭配料或者加泡菜一齊食又得。

今日最後衝刺去🏃🏻‍♀️🏃🏾shopping shopping shopping😍終於達到我想買嘅嘢啦👏👏滿載而歸😍😍😍😍老公👨🏻話行足一日好攰💤又肚餓😧行過一間好特別嘅舖頭😜我係比佢個鋪頭兩個公仔吸引到😍入到去好似返咗學咁樣🎒因為餐枱都係書枱📕嚟㗎😆側邊仲掛住個書包添🎒坐低好有親切咁💕老闆+老闆娘原來係韓國🇰🇷人咁就睇圖叫嘢食啦😍叫在🇰🇷牛肉🐮煎餅🥞～好特別雞蛋包着牛肉😙咬落去淡淡牛肉汁味👍🏻牛肉好鮮甜、好彈牙😋加上佢有個醬汁甜甜地、鹹鹹地😁好match好好味，其實吾點個醬就原汁原味😘泡菜🫕湯配白飯🍚～傻佬👨🏻讚不絕口、辣辣地好正、我問佢點正、佢就話你睇我食晒啦🤣🤣🤣我試咗一啖仔咋👍🏻👍🏻我就叫咗～蔬菜🥬拌飯🍚😘 嚟到諗起😏好似搭緊飛機去韓國🇰🇷食飛機餐🤪當然梗係呢間餐廳好食好多啦👍🏻有晒我要想食嘅嘢🥰🥰食咗就當去咗韓國🇰🇷周圍嘅環境好似放午飯🥣太特別啦😚老公拎住個書包🎒回味緊那些年🤣🤣🤣去吾到韓國就嚟呢間食啦😜😜

喺旺中帶靜嘅享和街，有一間韓國小店，店前放咗張細枱，上面放咗外賣單張，推門入去，擺咗幾張學生書枱，旁邊仲掛咗2個書包🎒，牆上面有課本，好似喺課室咁😃，而menu 就放喺書枱下面櫃桶，仲可以放隨身物品，一物二用👏呢度掌廚係正宗韓國人，兼且有韓國發出的廚師証。店內的泡菜、醃海鮮全部自製，味道質素有保證👏韓式牛醬烤排骨呢個餐係用鐵板上，跟4款前菜，仲有包牛肉的生菜🥬和辣椒蒜片。牛肉都有2款，牛仔骨和牛頸肉，肉味香濃嫩滑😋😋，好正👍炸餃子店員介紹的新菜式。5隻圓鼓鼓的餃子，中間放有生菜，餃子餡料係豬肉和菜，菜肉比例均勻，餃子🥟炸好脆口😋，醬汁是柚子醋調的，酒滿芝麻，酸酸地好夾味。泡菜湯配白飯呢個泡菜湯配料都幾多，紅彤彤的，比較辣但唔嗆喉。學韓國人咁食飯，用湯匙勺飯，再勺湯，一口一口慢慢食，感覺辣味退減，唔覺意又食咗一碗飯😄