梨滿園韓國料理 (Closed)

未開始食主菜之前，呢度貫徹韓國一貫傳統，會有唔同款式嘅小食先奉上。如果人比較多嘅話，款式就會比較多啲嘅，如果食完再想再加嘅時候可以向店員要求就可以㗎啦。我特別鍾意食呢度嘅泡菜，有傳統嘅韓國風味之外，仲會太辣，酸酸地，啱啱好。第一件事我就叫咗最鍾意食嘅醬油蟹，除咗有我最鍾意食嘅豉油味之外，仲會有辣醬嘅味道。咁我當然係食豉油味，佢嘅味道啱啱好，唔會太咸。我最鍾意食嘅蟹蓋，好多蟹膏加埋啲豉油汁就算唔撈飯食，都好好食。之後就叫左呢一個雪濃湯，煲出來湯嘅顏色全部係白雪雪，物如其名。以佢嘅味道就充滿牛骨嘅香，仲會有少少嘅奶香。入邊仲會有一舊舊炆到好淋嘅牛展，夠晒咬口。重點推介係呢一個紅炆牛肋骨，每一次我都好鍾意食呢個牛肋骨，佢嘅味道濃郁之餘仲會有種甜甜嘅味道，而且用咗紅棗炆，感覺非常之滋潤。仲有一樣必提嘅就係佢呢度嘅服務，服務員係會將一嚿嚿嘅牛肋骨剪開d肉，方便d食，好sweet。食到個肚都非常飽嘅時候最好就係食甜品，但係又覺得食甜品好肥，最好就食返啲生果，特別係拒今日送上嘅橙，唔單止可以解滯仲會健康啲添。