喜來稀肉 (金巴利道)

Open Now

Now Closed

同閨蜜去食韓國烤肉提早慶中秋🥳呢間韓式烤肉每次去都覺得好好食好滿足😚之前去過旺角店，今次我哋去尖沙咀店，係佐敦地鐵站D出口行過去近D。呢度裝修真係好韓式，枱與枱之間好多空間👍🏻出面有個自助區，可以自己拎D韓式嘅前菜：泡菜、蘿蔔、青瓜。仲有提供生菜🥬可以夾埋燒肉食。💛真雪花牛肉💛💛牛肋骨肉💛雪花牛肉真係必叫，個牛油花分布平均，燒一燒就食得，牛肋骨肉脂肪就比較少，肉質比較結實，牛肉味重。烤肉點佢哋嘅醬油再用生菜夾住一齊食，我哋兩個好鍾意加埋泡菜夾住一齊食，超正🤭佢哋嘅🌟爐邊蛋🌟 可以refill ，等佢個程度熟到少少脆邊中間仲有啲蛋汁食起來好滑😚海鮮拉麵仲用咗韓國傳統嗰啲鍋盛載好有feel ，拉麵質地好有彈性，湯底充滿海鮮嘅味道仲有唔少海鮮嘅配料。