GALBI TOWN

Open Now

Now Closed

今日去咗一間尖沙咀走白色簡潔風嘅韓燒🔥環境大約8000尺，座位闊落好座。最正係可以食到正宗韓牛，直接由韓國入口💫燒肉價錢合理份量都好足，而且好多前菜有醬油蟹、泡菜、蛋餅、鵪鶉蛋，所以我哋兩個人都食唔晒🤣🥩韓牛新鮮板腱肉 推介！雪花紋理均勻、油脂豐富、肉味濃。店員會好好幫我哋燒埋，仲會調校好生熟度。🐷濟州黑毛豬新鮮五花肉 好大條，燒香咗嘅五花肉配上泡菜或者係蔬菜類可以平衡油膩感更加好食。✨特選牛肋骨肉 份量都好多，油脂分布比較少啲，鍾意食瘦嘅牛肉嘅人會比較喜歡，所以相對上牛肉味會比較濃郁。🦑海鮮煎餅 煎得好香脆，好多魷魚喺入面增加口感。