Video
Read full review
2024-05-06
29 views
🔸柴燒秘製脆皮燒雞 $198燒雞係原隻炭燒，即燒熱辣辣用支鐵管插起，大鐵盆捧住上枱。 雞皮係畀啲炭火烤焗到薄脆，爆發雞油香，肉嫩鮮美，咬落有汁，好正😚難怪 多多雞 係呢度嘅招牌菜。味道：8/10性價比：7/10🔸沙鍋皮蛋豆腐芫茜生魚湯 $138煲生魚湯係大大一個沙煲，可裝到落8大碗， 啲生魚係先煎過嚟再切件回鍋滾成奶白魚湯， 落嘅份量都幾多，所以成煲湯不但奶白色而且 好有生魚味， 用咗芫茜嚟辟腥， 仲有啲皮蛋下火，加上豆腐滑捋捋，個湯好潤 好甜， 其實淨係飲個湯都值回票價。味道：7/10性價比：8/10🔸酥炸台山蠔 $178生蠔足足有成一打咁多，隻隻都大大隻，肥嘟嘟 好豐盈鮮美， 係酥炸做法， 面頭個脆漿做得好到家， 脆漿唔會好厚， 都係超脆，內裏生蠔就好乾淨新鮮，酥炸生蠔蘸上酸甜汁，入口又脆又鮮，酸酸甜甜，實在太惹味。味道：8/10性價比：7/10🔸脹卜卜椒鹽鮮魷 $138椒鹽鮮魷好大碟， 魷魚好厚肉但又唔會好韌， 外面個脆漿係正宗大排檔做法，夠曬鬆脆惹味， 蘸上椒鹽更加滋味，這味菜用嚟送啤酒一流。味道：8/10性價比：7/10▪️🔹環境： 好多座位喺舖頭外面，大排檔形
燒雞係原隻炭燒，即燒熱辣辣用支鐵管插起，大鐵盆捧住上枱。 雞皮係畀啲炭火烤焗到薄脆，爆發雞油香，肉嫩鮮美，咬落有汁，好正😚難怪 多多雞 係呢度嘅招牌菜。味道：8/10
性價比：7/10
🔸沙鍋皮蛋豆腐芫茜生魚湯 $138
煲生魚湯係大大一個沙煲，可裝到落8大碗， 啲生魚係先煎過嚟再切件回鍋滾成奶白魚湯， 落嘅份量都幾多，所以成煲湯不但奶白色而且 好有生魚味， 用咗芫茜嚟辟腥， 仲有啲皮蛋下火，加上豆腐滑捋捋，個湯好潤 好甜， 其實淨係飲個湯都值回票價。
味道：7/10
性價比：8/10
🔸酥炸台山蠔 $178
生蠔足足有成一打咁多，隻隻都大大隻，肥嘟嘟 好豐盈鮮美， 係酥炸做法， 面頭個脆漿做得好到家， 脆漿唔會好厚， 都係超脆，內裏生蠔就好乾淨新鮮，酥炸生蠔蘸上酸甜汁，入口又脆又鮮，酸酸甜甜，實在太惹味。
味道：8/10
性價比：7/10
🔸脹卜卜椒鹽鮮魷 $138
椒鹽鮮魷好大碟， 魷魚好厚肉但又唔會好韌， 外面個脆漿係正宗大排檔做法，夠曬鬆脆惹味， 蘸上椒鹽更加滋味，這味菜用嚟送啤酒一流。
味道：8/10
性價比：7/10
▪️
🔹環境： 好多座位喺舖頭外面，大排檔形式， 露天開揚， 可以吸煙。 但係如果怕熱嘅朋友，就可以坐喺舖頭裏面， 有十足嘅冷氣， 地下有8張四人枱，閣樓仲有兩張十人枱，好靜局又夠涼爽🤪
Post
