娘惹嫁到 (Moved) New Location

正宗馬來小店風味吃了數年的小店， 廚師係賓城來的峇峇， 馬來料理夠正宗，夠濃味。店主待客熱情健談，是一間充滿人情味的小店。除了Menu上的菜色，還不時會有特別廚師推介，常常來食就會有機會試到。食左好多次，集中一次update我的最愛。我好喜歡食呢度的魚飯，魚飯好滑。咖哩雞腿飯，馬來咖哩味濃，腿飯又大又滑。咖哩魚，一條新鮮紅友，魚肉整得好香好滑。深海魚蛋，超彈牙，夠大粒。病人限定；有次感冒病左，唔想食太濃味野，廚師為我整左個肉骨茶魚蛋米粉，仲有桔仔水。真係好感動啊！限定出品，馬來海南雞飯，同一般海南雞飯唔同。咖央多士加牛油，係賓城小食，舊時香港都有，近年唔多地方食到。一定要加牛油，多知一定好肥，但加左牛油香好多，好食好多。食完飯未飽的話，當然食甜品。我唔食榴連，廚師為我做左個椰油芒果，芒果粒係雪凍左的芒果冰。消暑一流。終極限定小食，芝士蛋多士，多士點芝士蛋汁食，好食都震。點解 Meun 冇呢？