La Mensa Grill & Bar (Plaza 88)

Open Now

Now Closed

早兩日去咗La Mensa Grill & Bar食飯同朋友傾吓計，個環境真係好靚好chill～我哋叫咗三樣野，首先係Chicken Tikka。啲雞肉出色。香得嚟口感滑嫩，完全冇出面燒到好鞋口嘅情況，而且份量竟然都唔少，串串都好多舊好大舊～之後係西班牙海鮮飯paella，首先入面好足料，入面有蜆、青口、魷魚、大蝦等等唔同種類嘅海鮮，每一口都食到海鮮嘅鮮味。啲飯都煮得恰到好處，有啲咬口，好滿足，好香，份量唔會好似出面號西餐咁好少，剛剛好。而成個賣相都好靚，有隻燒過嘅大蝦放喺面頭，令人食指大動。最後就係Beef Fajitas，呢個真係超級正！牛肉份量十足，比咗成舊牛扒咁大，飽肚又滿足。特別嘅係佢有好多唔同嘅醬汁可以揀選，每一款都有獨特嘅風味，隨個人口味去配，真係好好食。牛肉香，配埋煙餅皮食落唔漏，令人一口接一口。