老北京 (Closed)

老北京，香港京菜嘅老字號係尖沙咀開咗新分店，邀約親戚前去品嘗。 分店依然係走古老、簡約、雅致路線，一入門口果面牆有個好大嘅書架，上面擺滿晒書，透出書卷味道。D條案、屏風、百寶閣，都係傳統老北京人嘅家居佈置。今次帶左兩樽紅酒，叫咗三道涼菜，五道熱菜，最後加多份蔥油餅。老北京嘅涼菜做得好精致，紅紅綠綠係其中一款，用北京嘅心裡美蘿蔔同萵筍絲相拌，紅綠相間，爽脆清甜，齒間留住淡淡蔬菜甜香味；麻辣肚絲辣得鮮香，細嫩爽口。蔥油海蜇入口又脆又彈牙，呢三道前菜用黎佐紅酒真係一流。黎老北京食飯一定要order烤鴨，呢度嘅烤鴨好有水準。鴨皮顏色光亮，鴨香飄逸，由於地方夠寬闊，waiter 直情推車係客人面前慢慢咁片鴨肉。鴨子味道同原店水準相若，皮酥肉嫩。干鍋菜花係第一次吃，作為北京人的家常菜，白色嘅椰菜花有紅辣椒乾點綴，清淡中帶點微辣。蔥油餅都唔錯，少油、入口咸香松軟。其餘幾味熱菜糟溜魚片、宮保蝦球、水煮牛肉，就做得中規中矩。服務質素有待提高，是次人均消費200。