亞參雞飯 (康怡廣場北座)

Open Now

Now Closed

三間集團式餐廳座落康怡廣場，午餐又多了選擇。今次食亞參雞飯先，必叫招牌海南雞飯，雞很漱滑，油飯軟綿綿好食😋。但想唔到咖哩豬扒飯仲好食，個醬汁做到椰汁和咖哩兩種味啱啱好，送白飯一流，個豬扒都好冧好juicy。豬手飯個鹵水汁入味，豬手肥瘦肉適中，啱晒鍾意食豬手嘅人！星馬菜式離不開咖央多，飲拉茶！咖央多個樣吸引，其實食落無咩驚喜，而拉茶濃香好飲！另外馳名喇沙，入口好濃有啲辣，喜愛嗜辣人士會喜歡，幾條魚條，蝦和豆卜，少少芽菜和米線。另加小食就有辣味嘅魚餅但食落幾好味和豬肉串，甜甜地，有啲似台灣香腸。整體食物都唔錯，不用加一。新裝修，坐得舒適，是食午餐的好地方！