錦麗 (東薈城名店倉)

Open Now

Now Closed

錦麗位於東涌東薈城高層，裝修光猛，有少少藤裝飾呼應越南菜主題。服務唔算好有禮貌，樓面放菜單直接丟上枱面，反而收銀姐姐態度幾好。要用QR Code自己點餐，當日唔少行完山嘅老人家唔識用，要搵職員幫手。下午茶餐點咗生熟牛肉河，份量喺比正常細的。湯底好鮮美，牛肉又軟又有味，幾好。小食揀咗家鄉魚餅，塊魚餅好細，味道平平。不過啲紅蘿蔔絲有醃過，又頹唔曬😂自家嘅薏米水薏米算多，但係有啲甜。佢哋下午茶食到六點，今日食嘅呢個餐價錢係六十蚊。總括嚟講，錦麗係一間水準正常嘅越南餐廳，如果你想食碗ok嘅河粉湯，可以試下嚟呢度。