好叉好味 (多寶樓) (Closed)

正常叉燒飯，用杯取代傳統嘅飯盒，的確係方便啲食嘅，佢仲有唔同味道，用唔同顏色嘅杯裝，方便嗌完外賣之後分返😂佢嗰飯係叉燒切成粒狀，一層飯一層叉燒，再一層飯一層叉燒，上面有隻蛋加上秘制甜豉油。佢嘅諗法的確係好好，因為我係嗰啲一定要有餸先食到飯嘅人😂 但係食落又未必似想像咁，食到咁上下，覺得無乜豉油，但食到最底有勁多豉油😂 佢啲叉燒粒係真係好食嘅👍🏻 加埋佢隻🐷嗰logo的確係吸引到人，但係如果要$60一個飯就真係有啲貴，我係經鄰住買用$30買兌換券換嘅🙊 等咗20分鐘先有得拎，午市時間會有啲亂！