雲海滙

Open Now

Now Closed

南昌站附近一直都沒咩酒樓揀，難得有間新開，同屋企人去試下。新裝修都幾舒服，空間感唔錯，唔會迫，樓底高啲聲唔會困晒喺度，食完唔會耳都聾。星期五晚市唔算多人，有啲優惠野揀，價錢正正常常。先揀左晚市特價5選1既欖菜骨，味道都幾好，有肉味，$58黎講都幾大碟，值得食。再叫多左嗰孖寶，例牌燒鵝加4隻蒸扇貝。燒鵝就麻麻，皮唔脆，唔夠熱，味道都算ok。蒸扇貝係幾大隻，帶沒咩鮮味，肉質有啲韌，但調味係ok既。最後加多個海味雜菜煲，呢嗰ok，都幾多菜，湯底調味幾好。呢間既味精算唔重手，因為食完唔係好口喝。