時代冰室 (公主大廈) (Closed)

慕名而來，初期都人頭湧湧，要稍等先有得入座，不過好在店面闊落，容納到好多人，所以都唔使排隊等太耐～因為好近公司，而已餐牌上嘅選擇都多，CATER 到唔同口味嘅朋友 XD所以有好幾次都同同事一齊嚟食 LUNCH一坐低都未點餐，就有阿姐送上例湯。食過蔥油豬扒飯、滑蛋牛肉飯、鐵板飯...最後情歸呢個花膠滑雞湯配烏冬！呢個湯有好多雞，真係食極都仲有，而且肉質唔會「鞋圾圾」（唔識打 LOL）亦唔會太淡味，另外有花膠、冬蟲草、杞子、娃娃菜、蘿蔔、包心丸......再加埋烏冬，真係好夠飽！不過蘿蔔太硬，亦唔入味，有啲可惜。順便影埋朋友呢個黑椒漢堡扒蛋包飯，有胡麻醬沙律 ON SIDE，唔錯喎，個黑椒汁都幾得，不夠怕辣嘅朋友就未必食得到～其實食物質素都 OK，不過定價略貴，但都仲係吸引到我一去再去 XD收銀嘅哥仔同阿姐忙住搞外賣單（好似）等畀錢都等咗一陣，而且態度麻麻，好似畀錢佢都係打擾佢哋咁，扣返少少分。