蟹筵 (Closed)

之前睇到短片介紹，知道有蟹食，特登黎試。聽朋友食後評麻麻，點個平d嘅餐試，費事界凳😂。食物系合格嘅，但多方面都有d不足，可能新開張關系吧。例如個頭盤海膽湯凍嘅味道偏咸左少少，之後就好快黎個熱湯，但店員無詳細介紹點飮，其實又冷又熱，會牙齒敏感架，個熱湯如後d次序上會好d, 理論上都系由淡至濃，凍至熱咁食會舒服d。其實服務真系特别需要改進，上餐好似打風咁，上一道菜未食完，就放第二度，但其實再上一道嘅食具都未收，你估大排檔咩……夜晚基本上人唔多，但要叫人添茶先有得添耶，雪糕無人問我地要咩味，就落單，但等好耐都未見，原來話鹽味無貨，救命……求其啦，仲搵人再問我食咩味，跟住又等，出黎個綠茶雪糕好似我自己系屋企食家庭裝咁嘅様(亂畢一舊，但散嘅，好似水尾)。可能樓面生手掛，但其實個場嘅環境服務食材真系頂盡收呢個價，同様價錢其實仲有好多選擇，今次試過就算啦。呢個蟹脚無咩味肉勁黐殻，有d論盡非常普通呢個烏冬反而唔錯喂！我有相為証，水尾就唔好俾我啦呢個紅豆雪糕就合格喇