西香記 (Closed)

咁大個仔連陝西係中國邊度都唔知，行行下街見到呢間係專食陝西菜嘅，膽粗粗入去食下。呢間店位置十分方便，係電車路沿線，加上新開咗香港大學站，要去就更加方便。店內環境乾淨。你要先到收銀機前點餐，之後係位睇號碼攞餐。骨湯牛肉麵，價格$58. 紅燒牛肉味濃，骨湯底野味。麵質彈牙，不會太淋太硬。可選擇加辣（建議）肉夾饃多肉汁，食落不覺油膩口水雞就算係雞胸肉也不會覺“鞋”，不過辣度可以微微加強。最重要係夠凍，唔會將呢個涼食變熱大大杯豆漿，滑，而且唔會太甜，啱哂我呢啲為食但又怕肥嘅人