正斗粥麵專家 (東薈城名店倉)

Open Now

Now Closed

這幾年的飲食習慣都唔食粥粉麵飯，所以正斗初進駐東涌時都冇第一時間來，疫情期間，有一日突然好想食“炸両”，就諗起正斗。結果，外食的話，我們多數都來這店。炸両：最緊要內外都夠熱，油炸鬼既熱又要脆唔要成口油，被暖笠笠嘅腸粉包住，外軟內脆點少少甜麻醬，即製才有這效果，貴得有道理😋。自家手打豬肉丸粥，本來唔食粥的我都被佢打動了，粥底好棉好滑，肉丸實的的小粒小粒，夠味卻不喊，我還吃到很香的胡椒和大地魚味（唔知有冇錯呢😅）已經好耐冇食生腸，焯脆生腸，真係好脆，只加薑蔥醬油，非常好食。正斗的炒麵底真係好好食，師傅手勢好，脆但唔燶，唔油好乾爽，淋上豉椒排骨汁，餐牌冇的，但為滿足客人口味，餐廳仍願意配合，真正好貼心。炸鯪魚球，雖然好似係好普通嘅食物，亦係嗰句，唔會一口油，肉質實的的，非常有質感，蜆介當然係絕配。鮑汁蝦子鮮竹卷是老公的必食之選，味道恰到好處，汁唔太濃味，仍能食到餡中韮王的香味。最後，其實最能吸住我們的是一班服務人員的殷勤招待，經理Joe和Yu，還有一群好醒目，整潔的靚姐姐，每一位都用心招待，戴住口罩都見到佢哋笑住歡迎大家，保持店內整潔，雖然疫情艱難時期，仍然願意配合防疫措施，堅持讓食客保持距