梁山泊 (Closed)

正日同媽媽食飯慶祝，恐怕人多，預先訂定，當然晚竟然唔滿，還有唔少"吉"。裝條好富有中國色彩，食具幾精緻(尤其個啤酒杯)、主菜、飲品及甜品三個menu亦設計得好特別。京燒羊肉-皮燒得好脆好香口，肉質好嫩，又夠羊羶味。公雞煲-個煲好特別，真係名副其實公雞煲(見圖)。有好多辣椒，以為好辣，當然難不到我。主角的雞幾入味，雞肉亦夠滑，但不及配角的麵根，麵根吸晒醬汁，好味非常。雲腿冬瓜條-師傅刀法唔錯，每條冬瓜大小均一。雖然冬瓜本身無味，但浸在金華火腿的濃湯中，味道就好夾。飯焦炒飯-故明思意只有飯焦和飯，沒有其他配料做法簡單，但味道唔錯，有濃濃的蒜香味。可惜飯焦不是脆，口感太硬。鍋塌餃子-看似是普遍的煎餃子，原來外層有蛋漿包住的，除了有蛋香味外，餃子皮唔會太厚，料的豬肉好鮮味，黃魚雪菜麵-麵身好細滑、湯底又清甜。初時以為掛名京川滬菜式，只賣花巧，好睇唔好食，但出乎意料之外。