Video
Read full review
2017-01-14
1490 views
聽聞呢間餐廳一段日子，好想試，終於有機會黎喇。 第一樣留意返等𨋢係幾多人，而且啲𨋢都唔算大， 訂左檯記得預返些少時間喇。 今次叫左兩個都係January New item, 本身自己好鐘意食松露醬，有機會食到新鮮松露當然二話不說就點左佢，另一個就係自家製豬肉腸。 一埋位店員會送上麵包籃同點著蠟燭仔，欣賞佢份量唔多，唔會搞到為左食哂啲包食唔落自己點左既菜，唔食又浪費咁。 而且啲包都好有心，有3款，配左cream cheese 之餘仲有幾片火腿，塊火腿好滑！ 係我地食哂啲包既時間，店員開始幫我地換哂啲餐具，我地本身仲好奇怪咁快要換，好快就知原來係要上松露pasta ！應該係唔想其他食物破壞左松露既味道。 主廚黎到刨松露之後會簡單介紹兩句，就係叫大家聞一聞個鮮松露香然後再撈佢，因為個底仲有truffle sauce~ 大鄉里第一次食鮮松露有啲興奮，除左聽話聞下佢，仲試下單食既味道，原來新鮮松露無平時松露醬既味，反而有一陣菇菌既清甜味。 不過美中不足既係點係檯到既蠟燭仔係有味既（其實點著之後好快就聞到，都幾濃）所以主廚叫我地聞下先食個時，男人最初話聞唔到所以有心去品嚐呢個既都可以同店員講唔點，
第一樣留意返等𨋢係幾多人，而且啲𨋢都唔算大， 訂左檯記得預返些少時間喇。
今次叫左兩個都係January New item, 本身自己好鐘意食松露醬，有機會食到新鮮松露當然二話不說就點左佢，另一個就係自家製豬肉腸。
一埋位店員會送上麵包籃同點著蠟燭仔，欣賞佢份量唔多，唔會搞到為左食哂啲包食唔落自己點左既菜，唔食又浪費咁。 而且啲包都好有心，有3款，配左cream cheese 之餘仲有幾片火腿，塊火腿好滑！
係我地食哂啲包既時間，店員開始幫我地換哂啲餐具，我地本身仲好奇怪咁快要換，好快就知原來係要上松露pasta ！應該係唔想其他食物破壞左松露既味道。 主廚黎到刨松露之後會簡單介紹兩句，就係叫大家聞一聞個鮮松露香然後再撈佢，因為個底仲有truffle sauce~ 大鄉里第一次食鮮松露有啲興奮，除左聽話聞下佢，仲試下單食既味道，原來新鮮松露無平時松露醬既味，反而有一陣菇菌既清甜味。 不過美中不足既係點係檯到既蠟燭仔係有味既（其實點著之後好快就聞到，都幾濃）所以主廚叫我地聞下先食個時，男人最初話聞唔到所以有心去品嚐呢個既都可以同店員講唔點，另外佢地問我地意見個時都有反映佢地可以考慮轉用無味蠟燭仔。
講返個pasta, 下面既汁都相當多，所以都唔搭擔心唔夠撈既！至於個意粉！好好食！佢係偏硬身質地，但絕對唔係平時個啲煮唔透既感覺。而且相當掛汁（沾麵既概念？😂）所以真係覺得好好食，而且以佢既份量黎講，我真心覺得超值。 佢地會等你食哂，收哂啲野先至再去整下一道菜，所以清左檯一陣先有第二道菜上檯。兩件仔既豬仔腸，係一個豬手仔起左肉再釀啲豬肉入去。 因為個皮脆得黎有啲韌，所以切唔開，變左要先食個餡再食隻豬手仔。個餡呢，就係豬肉同香料混埋，但啲肉粒都仲係清析可見既，呢個餡我都幾欣賞，因為除左肉仲有些少筋，令到個口感更加豐富。最後到豬手仔，肉既部分係爽爽地好唔錯既，個皮就係切個時既感覺，好脆但切開唔係想像中好似乳豬皮咁容易。 佢仲有脆薯角做side dish, 男人話有些少辣，我有啲唔舒服無試到。反正心裏已經默默地加左一個會再黎既概念係呢間餐廳到 😎
圓滿既Black Friday! Post
