廚十三老壇酸菜魚 (D2 Place ONE) (Closed)

好耐冇食酸菜魚，所以約埋d朋友去食。揀左荔枝角呢間分店食，我地因為肚餓所以晚上5點幾就去左食😀十三涼粉，味道麻麻辣辣咁，但我就唔太鐘意個質地，因為好冧身，純粹個人口味唔鍾意。重點既酸菜魚😍😍😍魚質地彈牙，而且佢個酸菜唔會太酸太咸，佢既湯汁配白飯食一流👍👍👍另外佢仲有其他配菜係入面（金菇、粉絲、豆腐），我地仲另加左午餐肉$32。麻辣砵砵雞其實姐係辣串，個汁同之前個涼粉一樣。有牛柏葉、鵪鶉蛋、牛展、萵筍片、土豆片等等…..呢個酥肉熱辣辣好好食，食左咁多辣野食反樣炸野可以中和返個味蕾👍最後仲點左紅糖糍糂4件，因為我地5點幾去仲有午餐餐牌叫，所以點埋呢個食。味道正正常常，好食的！總結反廚十三都算係係香港我幾鐘意食既酸菜魚😋😋味道做得好岩口味，而且仲有好多唔同小食叫。