Video
Read full review
2015-10-24
2542 views
是月本小姐生日，朋友約了來grand hyatt的港灣一号慶生。其實跟這堆朋友基本上是誰生日也會來君悦的餐廳食生日飯。近兩次也選了中餐。食物: 六星級酒店的食物一定不會差，從價錢上也能反映岀。而這裡的中菜我也覺得幾好味，但就是不會有驚喜那種。今晚點了燒味（叉燒配燒腩仔）、桂花汁炸香菇、金華玉樹雞、琵琶豆腐、清炒豆苗同埋福建炒飯。燒味（叉燒配燒腩仔）：燒味係好好食。叉燒半肥瘦好適中，燒腩仔皮脆肉厚。個人來講覺得佢哋啲燒味做得真係唔錯，係應該話出色自真。桂花汁炸香菇：桂花汁好香甜，亦都好清新。香菇炸得好鬆脆，再配埋香甜嘅桂花汁。味道真係唔錯。師傅亦炸得岀色，因為咬下去時不會覺得成口油，係完全無這感覺的。哩碟係我最鐘意食嘅小菜。金華玉樹雞：其實佢係金華火腿配冬菇再配雞再攞去蒸嘅一味餸。唔會感覺到油，而雞亦都好入味。係一味清清哋嘅餸，無咩驚喜。我會鐘意食佢嘅炸子雞同醉雞煲多啲。但哩味絕對啱喜歡清清哋的人。琵琶豆腐：琵琶豆腐裏面係釀咗帶子，而帶子亦都係一粒粒嘅，所以食落去嘅時候會食到帶子嘅味道同口感。唔會係一pat嘢咁。個皮亦煎得好香，個獻汁亦做得好好。唔會太水亦唔會太杰。我個人來講覺得幾好味。
食物: 六星級酒店的食物一定不會差，從價錢上也能反映岀。而這裡的中菜我也覺得幾好味，但就是不會有驚喜那種。今晚點了燒味（叉燒配燒腩仔）、桂花汁炸香菇、金華玉樹雞、琵琶豆腐、清炒豆苗同埋福建炒飯。
燒味（叉燒配燒腩仔）：燒味係好好食。叉燒半肥瘦好適中，燒腩仔皮脆肉厚。個人來講覺得佢哋啲燒味做得真係唔錯，係應該話出色自真。
桂花汁炸香菇：桂花汁好香甜，亦都好清新。香菇炸得好鬆脆，再配埋香甜嘅桂花汁。味道真係唔錯。師傅亦炸得岀色，因為咬下去時不會覺得成口油，係完全無這感覺的。哩碟係我最鐘意食嘅小菜。
金華玉樹雞：其實佢係金華火腿配冬菇再配雞再攞去蒸嘅一味餸。唔會感覺到油，而雞亦都好入味。係一味清清哋嘅餸，無咩驚喜。我會鐘意食佢嘅炸子雞同醉雞煲多啲。但哩味絕對啱喜歡清清哋的人。
琵琶豆腐：琵琶豆腐裏面係釀咗帶子，而帶子亦都係一粒粒嘅，所以食落去嘅時候會食到帶子嘅味道同口感。唔會係一pat嘢咁。個皮亦煎得好香，個獻汁亦做得好好。唔會太水亦唔會太杰。我個人來講覺得幾好味。
服務: 因為生日，我們也點了蛋糕，他們會提供影相服務。因為餐廳燈光比較暗的關係，服務員也飽歷經驗，他們會用另外一部電話為你打燈再幫你拍照及為你曬相留念。
可是我今次來及上一次的服務就有一點分別，今次就比較所有東西你都要問才會有。藉此要先贊賞一下assistant manager jack ho。上次我來的時候，他們可能餐廳人少的關係，會有幾位同事為你打燈，唱生日歌及欣勤地為你及你坐上客曬相和自動說send回soft copy給你。更令我驚喜的是他說為我們送上壽包當小小心意。這次grand hyatt的經歷令我有賓至如歸的感覺，覺得grand hyatt這六星級酒店當之無愧。
但總括來說，這裏的服務是真的不錯的。
環境: 是有海景的。我們坐着近窗的位置。可是就是周邊的賓客有一點奇怪，坐在我們旁邊的賓客，就一直開着iPad在看電視。說真的，他的聲浪也頗大，是蠻騷擾人哋。其他一切，環境是不錯。
Conclusion: 在這裏宴客一定不會出錯，一定是一個安心安全之選。因為你不會拿到什麼驚喜，但亦不會有什麼失望。所以這就是我所說，穩穩陣陣之選。
Post
