Video
Read full review
2024-10-23
152 views
第二次探呢間店，上次食左最招牌嘅雞白湯拉麵，都幾好食，今次試試沾麵。《魚介🐟豚骨🐖沾麵🍜》香味 (3.5/5) - 香味幾夠，不過我一直都認為，只要有海鮮响個湯道，包括魚介，魚干，特別係蝦，香味一定不會欠奉。所以香味夠係基本野，我又聞唔出有其他香味點綴，所以只屬中上。沾汁 (3/5) - 呢個沾汁，味道係好好，不過最大問題係，唔夠濃郁。沾汁有別於湯麵個湯，應該要比較濃同比較鹹，先至可以發揮到沾汁嘅作用。而，呢個沾汁味道好歸好，但唔夠濃，唔夠鹹，質感亦唔夠厚，我完全唔覺得我食緊沾麵。偶然，一d拉麵店嘅濃厚拉麵個湯，比佢更濃厚，更夠味，所以，我認為 3 分都好盡，算合格因為佢味道係好。另外，佢比左塊青檸，可以揤落去個湯道提味。我有試過，係幾好，效果唔錯，不過，青檸會令人馬上聯想起東南亞菜，特別係泰菜，所以我認為如果店家想帶來另一個清新嘅層次，可以用柚子醋，會更加日風。麵條 (3/5) - 用左全粒粉造嘅麵，雖然個目錄話係用粗麵，我認為未至於係太麵，頂多係中太麵。口感正常，軟硬度適中。雖然用左全粒粉，出奇地，小麥味只屬正常，唔特別強烈。呢款麵我認為就正正常常，中上啦。麵同沾汁嘅配合，因為沾汁
《魚介🐟豚骨🐖沾麵🍜》
魚介🐟豚骨🐖沾麵🍜
$82
46 views
0 likes
0 comments
香味 (3.5/5) - 香味幾夠，不過我一直都認為，只要有海鮮响個湯道，包括魚介，魚干，特別係蝦，香味一定不會欠奉。所以香味夠係基本野，我又聞唔出有其他香味點綴，所以只屬中上。
沾汁 (3/5) - 呢個沾汁，味道係好好，不過最大問題係，唔夠濃郁。沾汁有別於湯麵個湯，應該要比較濃同比較鹹，先至可以發揮到沾汁嘅作用。而，呢個沾汁味道好歸好，但唔夠濃，唔夠鹹，質感亦唔夠厚，我完全唔覺得我食緊沾麵。偶然，一d拉麵店嘅濃厚拉麵個湯，比佢更濃厚，更夠味，所以，我認為 3 分都好盡，算合格因為佢味道係好。
另外，佢比左塊青檸，可以揤落去個湯道提味。我有試過，係幾好，效果唔錯，不過，青檸會令人馬上聯想起東南亞菜，特別係泰菜，所以我認為如果店家想帶來另一個清新嘅層次，可以用柚子醋，會更加日風。
麵條 (3/5) - 用左全粒粉造嘅麵，雖然個目錄話係用粗麵，我認為未至於係太麵，頂多係中太麵。口感正常，軟硬度適中。雖然用左全粒粉，出奇地，小麥味只屬正常，唔特別強烈。呢款麵我認為就正正常常，中上啦。
麵同沾汁嘅配合，因為沾汁唔夠濃郁，所以就算沾晒d湯夾起d麵來食，湯嘅味都係薄弱，我係要沾完，再筆起少少沾汁連埋d麵一齊食先至叫 ok。呢吓係要扣分。
配料 (3/5) - 豬叉燒，用左腩肉部份，有火炙過，夠肉味，口感嫩滑，幾好食。
溏心蛋，就比較弱，調味唔夠，蛋味唔夠，不過生熟度還好。
荀方面，直情係差，有渣。味道就算係正常都好，有渣嘅荀冇理由會比客食，又要扣分。
整體 - 不推薦。佢只係一款普普通通嘅魚介豚骨沾麵，冇乜記憶點。不過，如果經過食返碗，係 ok，未至於伏。
Post
