胡爐 (Closed)

天氣冬左🥶，最啱就係打邊爐，今日嚟到朋友推介嘅胡爐一試先🤗揀左自己鐘意嘅醬料先。係麻辣雲耳同手拍青瓜20@，惹味，微辣，作為餐前小食好唔錯。泰式無骨鳳爪 $78鳳爪已經去咗骨，爽口脆卜卜，酸酸甜甜好醒胃，開胃一流。胡椒豬肚花膠雞鍋 $328呢個花膠湯好足料，有豬肚，有咸酸菜，雞有半隻，已經有七成熟，掉落鍋淥兩淥就食得，雞肉嫩滑唔嚡口，花膠都有五六片，食多兩片勁滋補，女仔恩物，煲過雞後嘅胡椒湯仲正，加添了鮮甜味，飲完成個人暖笠笠，唔錯。極上本地騸牯牛頸脊（中）$388應該係手切，有厚度，肉色鮮嫩，肥瘦適中，入口肉質軟腍，滿滿牛香😍餃子拼盤 $128有雲吞，水餃，魚皮餃，黑松露餃，款款都脹卜卜，餡料豐富，皮薄餡靚，最鍾意係黑松露餃，入口散發陣陣松露香，再加埋雜菌，口感好正。蔬菜拼盤 $63有生菜，白菜，娃娃菜，菜心，全部新鮮翠綠，洗得乾淨，打完邊爐食埋條菜就Perfect啦。餐廳環境唔錯，私隱度高，食物質素就唔使講，朋友食完都話正。