Video
Read full review
2023-12-06
211 views
呢排個中菜胃真係好有食神！之前食咗兩間酒店嘅中菜好今餐就去咗間有質素嘅中菜館開餐。講緊就係老婆大人好鍾意去嘅望月軒，之前佢已經想約朋友嚟食飯點知嗰日原來仲未全面恢復而休息，不過而家已經正常返晒每日都可以嚟食飯嚕！老婆大人真係好鬼眼利(我要小心啲哈哈)！見到廚房門口掛咗呢對偽臘肉，其實係玉石嚟嘅不過真係好似勁搞鬼。坐低整碗熱辣辣嘅燉湯飲吓先！上次試咗汽鍋雞今次就飲羊肚菌燉走地雞，嘩一飲落口好香羊肚菌味加埋雞香味呢碗燉湯真係好鬼香甜。大家都知我老婆大人最鍾意食辣嘢可惜我唔爭氣唔係好食得辣！好彩有朋友陪佢食咁就嗌個四川口水雞俾佢哋嘆吓，其實我都試咗一舊雞味道真係幾香，可惜對我嚟講真係好辣唯有放棄！不過四川菜又唔係剩係得辣嘢嘅！呢個老字號樟茶鴨都好好味㗎，鴨有煙燻嘅香味啲肉又唔會乾好食喎。今晚嘅彩蛋肯定係呢條松子桂花魚！首先淨係行出嚟個賣相都已經夠掂啦！桂花魚炸得好香脆連魚翅位都可以成個食，嗰個酸甜汁唔會搶喉酸得好開胃呢個魚真係超正斗。冬天梗係要食返啲熱辣辣嘅煲仔菜，鍾意食栗子同雞嘅話咁呢個麵醬栗子炆雞就冇得輸喇！炆餸嘅精髓就係夠濃郁入味呢個完全做到晒我哋嘅要求，雞肉夠新鮮彈牙加埋啲栗子炆到又
講緊就係老婆大人好鍾意去嘅望月軒，之前佢已經想約朋友嚟食飯點知嗰日原來仲未全面恢復而休息，不過而家已經正常返晒每日都可以嚟食飯嚕！
老婆大人真係好鬼眼利(我要小心啲哈哈)！見到廚房門口掛咗呢對偽臘肉，其實係玉石嚟嘅不過真係好似勁搞鬼。
坐低整碗熱辣辣嘅燉湯飲吓先！上次試咗汽鍋雞今次就飲羊肚菌燉走地雞，嘩一飲落口好香羊肚菌味加埋雞香味呢碗燉湯真係好鬼香甜。
大家都知我老婆大人最鍾意食辣嘢可惜我唔爭氣唔係好食得辣！好彩有朋友陪佢食咁就嗌個四川口水雞俾佢哋嘆吓，其實我都試咗一舊雞味道真係幾香，可惜對我嚟講真係好辣唯有放棄！
不過四川菜又唔係剩係得辣嘢嘅！呢個老字號樟茶鴨都好好味㗎，鴨有煙燻嘅香味啲肉又唔會乾好食喎。
今晚嘅彩蛋肯定係呢條松子桂花魚！首先淨係行出嚟個賣相都已經夠掂啦！桂花魚炸得好香脆連魚翅位都可以成個食，嗰個酸甜汁唔會搶喉酸得好開胃呢個魚真係超正斗。
冬天梗係要食返啲熱辣辣嘅煲仔菜，鍾意食栗子同雞嘅話咁呢個麵醬栗子炆雞就冇得輸喇！炆餸嘅精髓就係夠濃郁入味呢個完全做到晒我哋嘅要求，雞肉夠新鮮彈牙加埋啲栗子炆到又粉又香直頭想叫個飯嚟嘆呀。
食完啲濃味嘢嚟返碟清清地嘅鮮百合翠炒帶子就最啱時候！帶子彈牙鮮味加埋啲新鮮又脆口嘅蜜糖豆感覺真係好清腸胃。
我哋今晚冇叫到粉、麵、飯！所以呢個瑤柱銀絲雜菜煲就做咗飽肚功能嘅菜式，入面有啲魷魚、瑤柱同埋大量嘅雜菜，嗰啖湯鹹香又鮮味所以啲粉絲又點會唔好食呢，四人食到捧住個肚走都係400幾蚊位埋單值價值價。
Post
