水門雞飯 (厚福街)

Open Now

Now Closed

呢間係尖沙咀開嘅另一間分店，位於厚福街。叫左招牌水門雞飯。午餐$64送埋餐飲，仲有泰奶、龍眼冰可以點，仲可優惠價$26配雞肉串燒，真係好抵食👍🏻水門雞份量多，皮薄肉嫰，水門雞醬更加無得頂，蘸埋雞肉食真係超夾！雞飯仲會送雞湯，清清地，有胡椒味，可以解除油膩感另一份叫左水門雙併炸雞飯，份量同樣咁多，炸雞嘅皮炸到卜卜脆，蘸上泰式辣醬另有一番風味至於雞肉串燒就好香，肉質好滑，蘸上沙嗲醬好惹味☺️☺️至於泰奶簡直就係同平時泰國飲到嘅一樣，茶色係橘紅色，味道正宗😳龍眼冰仲有埋龍眼果肉，唔會太甜！最後加左個飯後甜品，芒果甜中帶微酸，糯米飯煙煙韌韌，加上香濃既椰奶，食完大滿足🥰