Video
Read full review
2020-09-29
665 views
🐔豐鍋招牌麻辣雞煲半隻（bb辣）（$188）講到雞煲，都係最愛香味十足，夠哂濃味嘅麻辣雞煲，麻麻辣辣嘅味道實在令人胃口大開，非常惹味；呢到嘅雞煲加咗好多配料：洋蔥、蔥、芫茜都落得好足，令成個雞煲更加香，醬汁沾滿哂啲雞，好正，小妹覺得味道同一品都幾相似，有得fight下，呢到配料比得多啲，勁多芫茜😍 醬汁再咸少少，同埋雞胸位唔夠嫰滑。另外由於湯底越煲越濃越辣，所以對我黎講bb辣就足夠，雖然一開始會略嫌唔夠麻，但最後真係會越食越辣。so far都好推薦大家黎試下.🐂頂級安格斯牛（小）（$198）安格斯肥牛有幾好食相信都唔洗我再多講，睇相就明哂！肉色鮮艷，油脂分佈均勻😍兩人食一碟都唔係幾夠喉😋.🥟餃餃陣（鮮蝦雲吞、魚皮餃、韭菜餃、麻辣雲吞）8粒（$92）啲餃粒粒都好大隻，圓轆轆，料多，最特別係麻辣雲吞，裡面有木耳、蝦、菜同麻辣味好惹味！.🧀即炸爆芝響鈴（$42/3件）鮮炸！係鮮炸架！係鮮炸嘅響鈴！！仲要加咗芝士，放入麻辣湯碌佢秒，舊響鈴索哂啲湯，但依然保番番香脆口感，再加上咀嚼下芝士散發嘅咸香，OMG!超正！！.🐟手工即炸魚皮（$53）講到炸魚皮好少可會成塊炸到直筆甩，呢到就好特別，魚皮薄身
講到雞煲，都係最愛香味十足，夠哂濃味嘅麻辣雞煲，麻麻辣辣嘅味道實在令人胃口大開，非常惹味；呢到嘅雞煲加咗好多配料：洋蔥、蔥、芫茜都落得好足，令成個雞煲更加香，醬汁沾滿哂啲雞，好正，小妹覺得味道同一品都幾相似，有得fight下，呢到配料比得多啲，勁多芫茜😍 醬汁再咸少少，同埋雞胸位唔夠嫰滑。另外由於湯底越煲越濃越辣，所以對我黎講bb辣就足夠，雖然一開始會略嫌唔夠麻，但最後真係會越食越辣。so far都好推薦大家黎試下
.
🐂頂級安格斯牛（小）（$198）
安格斯肥牛有幾好食相信都唔洗我再多講，睇相就明哂！肉色鮮艷，油脂分佈均勻😍兩人食一碟都唔係幾夠喉😋
.
🥟餃餃陣（鮮蝦雲吞、魚皮餃、韭菜餃、麻辣雲吞）8粒（$92）
啲餃粒粒都好大隻，圓轆轆，料多，最特別係麻辣雲吞，裡面有木耳、蝦、菜同麻辣味好惹味！
.
🧀即炸爆芝響鈴（$42/3件）
鮮炸！係鮮炸架！係鮮炸嘅響鈴！！仲要加咗芝士，放入麻辣湯碌佢秒，舊響鈴索哂啲湯，但依然保番番香脆口感，再加上咀嚼下芝士散發嘅咸香，OMG!超正！！
.
🐟手工即炸魚皮（$53）
講到炸魚皮好少可會成塊炸到直筆甩，呢到就好特別，魚皮薄身，直身，仲長過我塊面，魚皮面頭再加入椒鹽調味，加上係鮮炸！鮮炸架！所以最好快啲食，咁食起上黎就更加脆口，更好食。
.
🥬雜菜籃（$75）
.
🍹水蜜桃梳打（$42）
呢個唔會好甜，梳打夠氣，可以放心叫😊
.
餐廳服務都幾好，炒雞煲個陣有醬汁彈咗落我件衫到，待應竟然入廚房濕咗張紙巾比我，好nice~ 所以大家亦都要注意，唔好洪到自己咁埋個煲🤣
Post
