漁正居酒屋

Open Now

Now Closed

蟹子沙律($58)，青瓜絲好爽口，沙律醬和蟹子份量都足夠，均勻攪拌之後每條青瓜絲都能沾上，味道好開胃。活赤貝(2隻$120)、油甘魚($88)、烏賊($48)、三文魚($58)、牡丹蝦刺身(2隻$98)，每款海產色澤都好靚，烏賊刺身幾特別，因為內裏有一片紫蘇葉，連埋一齊食，葉既香味會更突出，我超鐘意食赤貝，因為好爽口，牡丹蝦雖然唔係最大隻既size，但食落有黏住黏住既口感，證明食材新鮮。左口魚邊($68)、三文魚子($78)、北海道鮮帆立貝壽司($58)，炙燒後既左口魚入口溶化，帆立貝肥美飽滿，食落好鮮甜。烏賊紫蘇梅子脆卷($128)，這款招牌菜既特式，餡料係將烏賊肉打成膠配上紫蘇葉，外層既炸皮好酥脆，再輕輕加一點梅子汁，食落外脆內彈牙，口感豐富。雞胸軟骨($28)、荔枝豚肉卷($28)、大蔥雞柳($28)、牛舌($35)、燒豬肝串燒($28)，價錢相當抵食，豚肉既油脂再配埋荔枝肉汁既清甜，兩者溝埋一齊好夾，有互相中和作用，牛舌厚切爽口，牛既羶味亦好香。清酒煮蜆($78)，酒味經煮過之後唔會好濃烈，保留住少少酒香滲入蜆肉。濃湯蝦烏冬($128)，濃湯果然係濃湯，湯底有好重蝦味，相信用左