陳漢記 (Closed)

來過陳漢記數次，每次黎都人來人往。夜晚六點幾黎到，剛好有位，同另外三人搭桌。坐低左就叫野食。一開始就係睇下今次食咩煲仔飯！我地叫左一個北菇滑雞煲仔飯，一個排骨臘腸煲仔飯。另外再加支玻璃樽可樂，爽！等緊煲仔飯既途中有啲口痕，叫多左一碟炸魚皮同蝦米腸粉。炸魚皮偏大塊，另外會有一碗湯比你浸魚皮。冇記錯好似$20左右，我覺得夠香夠爽口，叫得過蝦米腸就有點遜色，味道淡淡的。我諗下次都係叫叉燒腸岩我多啲。我諗食客太多既關係，叫左侍應拎支可樂都要等成10分鐘先拎比我。叫左幾次每次應完我都去忙其他野由落單都煲仔飯上既時間大概15分鐘。煲仔飯用瓦煲成個上。北菇滑雞淡而無味，唔推薦呢個。反而個臘腸排骨飯，臘腸夠濕潤，飯有臘腸味仲有飯焦，正總括黎講，黎陳漢記推薦叫個臘腸煲仔飯再加玻璃樽可樂