華嫂冰室 (棉登徑) (Moved) New Location

行過棉登徑根本都冇諗住食嘢，點知比我發現新大陸，原來開咗間華嫂喺度，其實之前已經聽過，但係一路冇為意，之前一路都係幫襯銅鑼灣間鋪，直至到今日行過先至見到，既然已經嚟到點可以就咁就放過佢，一定要幫襯下，呢間分店冇招牌撈米線，咁就要肉眼筋鯪魚肉米線，加錢轉皮蛋芫荽湯米線，飲一啖湯就有幸福嘅感覺，之前有試過其他餐廳嘅皮蛋芫荽湯，但係始終味道都唔及得華嫂，另外要一讚肉眼筋出面好難食得到，口感似豬頸肉，但係豬頸肉有激素，唔夠膽食咁多，用依樣野代替都唔錯，鯪魚肉完全冇骨彈牙，正