Video
Read full review
2023-06-13
690 views
為食就係任性………想試佢嘅灌湯餃。星期六、日飲茶無得訂枱，10:30開門，10:50到，亞姐話要13:15先會有枱！😱同亞姐講一輪，終於俾我哋攞號碼等枱，等咗一粒鐘，比預期好！而且未有好多人等，可以坐風扇隔離，唔熱！灌湯餃係一個情意結，細個成日跟老豆去飲茶，中環有家酒家，佢哋好IN，當年已經有食物模型。喺嗰度有灌湯餃食，當年已經係貴嘢！講番星期日大圍小館，佢嘅灌湯餃比起北角老牌酒家好，湯清而濃，好多蝦和帶子，但個人覺得加啲冬菇絲、筍絲、木耳絲更好。其他點心都唔錯，雞包仔都係舊味道，有薑絲。叫咗三式腸粉 - 牛肉/蝦/鯪魚肉；牛肉有芫荽，鯪魚肉有果皮絲 - 香！但佢有醬汁嘅點心，個人就麻麻！上次叫豬腸，今次試牛骨髓，都嫌佢醬汁太濃，太厚！聽亞姐講電話，晚飯訂枱星期五、六、日要排到7月！😅
星期六、日飲茶無得訂枱，10:30開門，10:50到，亞姐話要13:15先會有枱！😱
同亞姐講一輪，終於俾我哋攞號碼等枱，等咗一粒鐘，比預期好！而且未有好多人等，可以坐風扇隔離，唔熱！
灌湯餃係一個情意結，細個成日跟老豆去飲茶，中環有家酒家，佢哋好IN，當年已經有食物模型。喺嗰度有灌湯餃食，當年已經係貴嘢！
講番星期日大圍小館，佢嘅灌湯餃比起北角老牌酒家好，湯清而濃，好多蝦和帶子，但個人覺得加啲冬菇絲、筍絲、木耳絲更好。
其他點心都唔錯，雞包仔都係舊味道，有薑絲。叫咗三式腸粉 - 牛肉/蝦/鯪魚肉；牛肉有芫荽，鯪魚肉有果皮絲 - 香！
但佢有醬汁嘅點心，個人就麻麻！上次叫豬腸，今次試牛骨髓，都嫌佢醬汁太濃，太厚！
聽亞姐講電話，晚飯訂枱星期五、六、日要排到7月！😅
12 views
0 likes
0 comments
Post
