Video
Read full review
2021-06-16
1668 views
上次經過時，此店正維修廚房，暫停營業。今日再臨，終於可以幫襯。典型香港街坊小店，推開趟門，只有不到20個座位，舖位後端就是開放式廚房，佔去超一半面積。牆上大大幅海報，寫明小店主打清湯牛腩汁及招牌咖喱三寶。小店店名「牛市」原來有段古。一來玩食字，小店賣牛，希望生意好似股市咁樣「牛氣沖天」。另一方面，原來老闆兼大廚以前係金融外匯經紀，可能係情意結，老闆曾經喺媒體訪問中提到，原本份工人工高、福利好，但想趁着還有魄力，挑戰自己，碰巧疫情下鋪租下跌，所以放膽一搏開牛腩店。落單全自助，剔好之後交由店員處理。陳大哥牛腩崩沙腩河（$98）係小店鎮店之作。先講湯底，味道同其他清湯牛腩店不盡相同：油份較少、更加健康，羅漢果、花椒、八角等等傳統炆牛腩所採用的香料味道亦唔算明顯，只有滲出的淡淡回甘牛味。正如牆上海報開宗明義：素人入廚，糅合傳統並加入自以為創新烹調手法。調味亦較為清淡，難怪每張枱上放了一樽粉紅岩鹽，方便客人按個人口味提味。每一件牛腩都係正宗崩沙腩，有肉又有軟膏。牛腩肉腍滑香軟；軟膏筋膜入口軟滑，充滿骨膠原，並非普通牛脂肥膏，沒有臊味，只有牛香。果然一分錢一分貨，較普通牛腩好食得多。特色牛腩濃湯拉
典型香港街坊小店，推開趟門，只有不到20個座位，舖位後端就是開放式廚房，佔去超一半面積。牆上大大幅海報，寫明小店主打清湯牛腩汁及招牌咖喱三寶。
小店店名「牛市」原來有段古。一來玩食字，小店賣牛，希望生意好似股市咁樣「牛氣沖天」。另一方面，原來老闆兼大廚以前係金融外匯經紀，可能係情意結，老闆曾經喺媒體訪問中提到，原本份工人工高、福利好，但想趁着還有魄力，挑戰自己，碰巧疫情下鋪租下跌，所以放膽一搏開牛腩店。
落單全自助，剔好之後交由店員處理。
陳大哥牛腩崩沙腩河（$98）係小店鎮店之作。先講湯底，味道同其他清湯牛腩店不盡相同：油份較少、更加健康，羅漢果、花椒、八角等等傳統炆牛腩所採用的香料味道亦唔算明顯，只有滲出的淡淡回甘牛味。正如牆上海報開宗明義：素人入廚，糅合傳統並加入自以為創新烹調手法。調味亦較為清淡，難怪每張枱上放了一樽粉紅岩鹽，方便客人按個人口味提味。
陳大哥牛腩崩沙腩河
$98
26 views
0 likes
0 comments
特色牛腩濃湯拉麵（$60）意念源自日式拉麵，除了清湯牛腩之外，加入木耳絲、粟米粒及半熟糖心蛋；可以形容為「港式傳統小吃x 日式拉麵 fusion 庶民大眾美食」。麵底雖然沒有鹼水味，但亦不好食；始終唔係日式拉麵店，拉麵來貨質素好難有保證。其餘三款食材亦只勉強做到日式拉麵店的形、而不能做到其實；整碗拉麵的賣相同其他街坊價的港式口味日式拉麵店差不多水平。
特色牛腩濃湯拉麵
$60
51 views
0 likes
0 comments
特色牛腩濃湯拉麵
$60
19 views
0 likes
0 comments
咖喱三寶（$25）即係蘿蔔、魚蛋及豬皮。據稱咖喱汁乃獨門自家調製，在港式咖喱醬基礎下，加入了馬來風味。少了港式街邊車仔檔咖喱魚蛋的單純辣椒辛香，但就多了南洋香料風味。是否好味，見仁見智？但如果想食純港式風味，就有點失望了。蘿蔔冇渣、底味清甜，吸收了辣汁之後幾好食；豬皮就略嫌唔夠軟綿、偏硬；魚蛋亦很一般。
咖喱三寶
$25
15 views
0 likes
0 comments
Post
