鮨處松戶 (彩星集團大廈)

Open Now

Now Closed

帶子裙邊($25)，裙邊沾滿醬汁夠晒入味，煙韌有口感。日本凍蕃茄($70)，蕃茄質感較結實一點，食落會有d爽，底下有店鋪自家調製既汁，酸酸地好醒胃。雜錦刺身(上)($450)，輪到主角出場，擺盤精美，魚生全部都係厚切絕不嗇色，包括有吞拿魚、油甘魚、三文魚、帶子、甜蝦、海膽，每款都好鮮甜，甜蝦肉質有黏黏既口感，超正，海膽口感順滑味道濃郁。帶子牛油燒($85)，共4隻，厚肉大粒，帶子用牛油煮過所以較滑身和香口。蒜片雞肉南蠻漬($75)，雞肉炸到酥脆，再淋上醬汁，半脆半軟林既口感食落更特別，雞肉份量都好多，而且沒有骨，整碟都啖啖肉。大蜆天婦羅($120)，新穎菜式，將大蜆用天婦羅既煮法製作，裏面還有茄子和蘿蔔蓉，賣相有d似芝士焗蠔。吞拿魚蓉豆腐($100)，吞拿魚和豆腐都係較淡味既食物，所以廚師調製醬汁時會較濃一d，豆腐超滑又可以吸汁。