Angelini意大利餐廳

Open Now

Now Closed

友人曾經說這裏好味豐盛，值得，终於等到hkb card restaurant week.食物名子夠長及好豐富，高質，實質有距離。麵包只有2款，長手指脆脆及三角形密孔軟包，曾在港島龍蝦吧晚膳，有4，5款包，有薄片，有硬，有軟。頭盆： 藍鯨吞拿魚魚生牛仔肉薄片水瓜柳醬，牛仔肉片蓋吞拿魚粒，的士4粒，細到提子乾，食唔出咩味，只覺凍凍啫哩，嘟就吞咗，牛仔肉無牛味，嫩。生帶子伴水牛芝士番茄藜麥，以為好豐富清新，上枱後只是碟上星星，黑色點點味咸，盐或藜麥？帶子夠鮮，配菜可做到似有還無。香煎鱸魚伴青豆薄荷油，一條露荀，魚無油脂，無魚味，皮夠香，上面脆脆無薄荷味。自家制意式扁麵羊肉醬紅酒西汁及菊芋，明明寫扁麵，點解圓身，口感一般，羊粒有騷味，汁煮過無酒味，像紅酒煮牛尾，菊芋可能白色畫花，少，食唔出。意大利餅，朱古力粉佔杯三份一，芝士奶身厚滑，無芝士味，無酒味，勝在不太甜。杏仁曲奇配荷餡餅焦糖巧克力碎，朱古力餅夾vanilla 雪糕,灑焦糖粒，有酒味，雪糕夠滑，出奇好味，有些創意！失望！環境又唔係特別標清, 勝在大圓枱白枱布看海看天，還有最好餐茶，夠香滑。