廣成冰室 (Under Renovation)

身為上水人應該知道，廣成冰室有幾耐歷史，又有幾多media曾經報道過大家都知，小妹亦親眼👀見證一位住西營盤嘅夫婦，專程🚗揸車過嚟幫襯！係media 嘅影響力，定真係咁好食？🤔餐廳餐牌上嘢食唔多，一眼睇曬，都係馳名🥣牛肉通粉，🥪蛋治，🍜雙拼公仔麵，🍧紅豆冰同其他嘢飲咁啦！今次就試咗個🍜叉燒餐肉公仔麵，叉燒同出面食嘅唔同色，比較橙色d，可能係自家制嘢，塊嘢仲係全瘦，但唔柴。餐肉真係比好厚嘅係，不過哩個價錢唔包嘢飲，都正常啦河～🥣牛肉通粉餐包埋一份🥪蛋治同嘢飲，🐮牛肉係新鮮手切牛肉🥓，湯底🍲都係牛肉淆成嘅，所以先會見到d 沉澱物浮起面，哩個通粉，真係完全吸收緊鈣質呀！🥪蛋治都無揸流灘，真係好多🍳滑蛋係裡面。到出名🍧紅豆冰，一睇外型個🗻舊冰山都幾震撼，紅豆多，唔太甜，係唯獨條飲筒太幼，chu D水飲時會塞住。其實哩間野我好日都唔會幫襯，一黎出面太多野食，二黎好隔涉，係好耐無食唔記得咩味先番去食下，因為總係覺得哩D 咁有歷史價值嘅餐廳會有朝一日消失呀！