Video
Read full review
2020-12-09
1286 views
平時無寫食評，但今次真係要特登開個account寫出嚟警惕所有人千祈唔好中伏。首先，我哋係through KKDay 用85折book咗4位，事先已付費。安排入座時reception竟然話我哋有2位未比錢，後來要check多次先安排到入座。坐低咗無耐已經上tea set，但遲遲未有人落drinks。 舉手叫咗個女侍應過嚟，問有咩嘢飲佢答唔到。後來佢問完返嚟話我哋知，有奶茶咖啡檸茶檸水，問佢仲有咩揀話得呢啲，唔講以為去咗茶餐廳。後來再問多2個侍應，先知都有”西茶”揀 - Earl Grey或”英早”。然後突然再上多一碟鹹點 - 慢燒和牛粒伴日式山葵及豉油粉 + 大廚送嘅肥牛肉卷。 粒牛係凍嘅、韌嘅、兩邊煎到好乾。 條肉卷係送嘅，所以只好講句多謝。最底層嘅鹹點:- 煙三文魚奶油麵包伴魚子醬及金葉: 三文魚好乾、魚子醬無味、個包好硬- 鮮焗鮑魚酥伴松露醬: 睇返個menu先知原來有松露醬。你以為個酥係普通酥皮？ 其實佢只係一小塊捲起左嘅脆腐皮- 紅酒凍鵝肝配自家製窩夫 : 乜原來有紅酒，我淨係見到上面有粒紅莓... 鵝肝正常，窩夫好似擺咗好耐，腍嘅英式鬆餅 配 自家制英式奶油及果醬- 個sc
首先，我哋係through KKDay 用85折book咗4位，事先已付費。安排入座時reception竟然話我哋有2位未比錢，後來要check多次先安排到入座。
坐低咗無耐已經上tea set，但遲遲未有人落drinks。 舉手叫咗個女侍應過嚟，問有咩嘢飲佢答唔到。後來佢問完返嚟話我哋知，有奶茶咖啡檸茶檸水，問佢仲有咩揀話得呢啲，唔講以為去咗茶餐廳。後來再問多2個侍應，先知都有”西茶”揀 - Earl Grey或”英早”。
然後突然再上多一碟鹹點 - 慢燒和牛粒伴日式山葵及豉油粉 + 大廚送嘅肥牛肉卷。 粒牛係凍嘅、韌嘅、兩邊煎到好乾。 條肉卷係送嘅，所以只好講句多謝。
最底層嘅鹹點:
- 煙三文魚奶油麵包伴魚子醬及金葉: 三文魚好乾、魚子醬無味、個包好硬
- 鮮焗鮑魚酥伴松露醬: 睇返個menu先知原來有松露醬。你以為個酥係普通酥皮？ 其實佢只係一小塊捲起左嘅脆腐皮
- 紅酒凍鵝肝配自家製窩夫 : 乜原來有紅酒，我淨係見到上面有粒紅莓... 鵝肝正常，窩夫好似擺咗好耐，腍嘅
英式鬆餅 配 自家制英式奶油及果醬
- 個scone recipe錯晒，一啲都唔鬆，根本就唔係scone嚟，只係一個好實嘅提子包
- 個clotted cream出水
- 液體狀嘅紅莓醬，個味道唔識形容... 我寧願你比超市買到嗰啲果醬我
- 個jam嘅器皿係似裝茄汁多過果jam
最上層甜點：
- 桂花鮮奶凍: 層桂花應該有1mm厚... 朋友話應該係佢食過落得最多魚膠粉嘅奶凍
- 抹茶岩石泡芙: 個puff係煙韌嘅，要拉扯先咬得開。個抹茶面有啲苦
- 特濃布朗尼杏仁棒棒糖: 正常
- 花綴香草白朱古力蛋糕: 我哋以為中間係好硬嘅cream，所以放棄咗。原來係白朱古力，貧窮真係限制咗我哋嘅想像...
- 自家製奶油霜紅茶蛋糕: 完全唔敢食個cream。朋友形容個蛋糕係乾咗嘅雪芳蛋糕
- 鮮牛奶朱古力慕斯: 有無食過明治朱古力橡皮糖？ 就係類似咁嘅texture同味道
- Macaron: 搣開咗中間嗰層好似溶咗嘅果汁糖，最後唔敢試...
總結: d甜品全部都似大陸超市質素。最好味係壺茶，Tea WG有保證。
Post
