Video
Read full review
2011-07-06
28 views
呢日原本打算同男友仔去食潮式腸粉...不過去到好似未開, 唯有求其是但食嚕~路過見到燒味, 一於就燒味啦, 無為諗黎諗去嘛~入到去, 見有 2-3 張枱無人坐...侍應安排左我地坐卡位...一張好鬼細既卡位...2 位還好, 真係肥 D 都覺得迫 :|肚仔餓, 二話不說就落單先啦~男友仔: 燒味雙併飯套餐 配 凍檸茶 (燒鵝 + 油雞)我: 燒肉賴粉先唔講野食~~~就響等緊野食之際...侍應走埋黎: 麻煩你地坐埋一邊呀!下!!!!!? 張枱細到咁都仲要搭枱!? 唔係呱....最奇既係....中間仲有 2 張可以坐 5-6 個人, 但係 1 個人都無既圓枱!!!!!唔通果 2 張放響度睇既!?果張所謂既卡位細到無朋友, 2 個細細粒既女仔坐埋一邊都迫啦....何況有男既響度!!呢個安排真係令我地目瞪口呆!!坐到超迫真係食野都有困難, 男友仔係好瘦既人, 佢都坐左半邊身出位....連筷子都無辦法正常咁夾野!!!真係從來都未試過食得咁辛苦..... 迫都不在話下, 最大問題係....佢個冷氣開到好似勁風風扇咁....要人坐到超迫, 但係果個所謂既冷氣就凍都唔凍下, 係咪想熱死人!?冬天
不過去到好似未開, 唯有求其是但食嚕~
路過見到燒味, 一於就燒味啦, 無為諗黎諗去嘛~
入到去, 見有 2-3 張枱無人坐...
侍應安排左我地坐卡位...一張好鬼細既卡位...2 位還好, 真係肥 D 都覺得迫 :|
肚仔餓, 二話不說就落單先啦~
男友仔: 燒味雙併飯套餐 配 凍檸茶 (燒鵝 + 油雞)
我: 燒肉賴粉
先唔講野食~~~
就響等緊野食之際...侍應走埋黎: 麻煩你地坐埋一邊呀!
下!!!!!? 張枱細到咁都仲要搭枱!? 唔係呱....
最奇既係....中間仲有 2 張可以坐 5-6 個人, 但係 1 個人都無既圓枱!!!!!
唔通果 2 張放響度睇既!?
果張所謂既卡位細到無朋友, 2 個細細粒既女仔坐埋一邊都迫啦....何況有男既響度!!
呢個安排真係令我地目瞪口呆!!
坐到超迫真係食野都有困難, 男友仔係好瘦既人, 佢都坐左半邊身出位....連筷子都無辦法正常咁夾野!!!
真係從來都未試過食得咁辛苦.....
迫都不在話下, 最大問題係....
佢個冷氣開到好似勁風風扇咁....要人坐到超迫, 但係果個所謂既冷氣就凍都唔凍下, 係咪想熱死人!?
冬天就話取暖o者, 家陣夏天呀....真係一邊食一邊 D 汗就係咁流....
仲慘過坐響街邊無冷氣.....
講返食物...
燒鵝 - 夠味, 不過皮唔脆, 還可以!
油雞 - 肉質唔錯, 好滑, 讚!
凍檸茶 - 茶味濃, 檸檬亦足夠, 唔錯!
燒肉 - 因為唔係分開上, 所以皮只有少脆, 肉算均衡, 唔錯!賴粉 - 新鮮無斷, 讚!
野食算唔錯, 只可惜坐位安排真係嚇怕人...經過呢次, 我真係唔會再黎....無謂貼錢買難受o者
Post
