鳥炎屋

Open Now

Now Closed

星期四嘅晚上嚟到呢度，地方唔算大而且冇乜人，好似包場咁。兩個人叫咗個壽司拼盤，厚燒鰻魚玉子，清酒煮蜆，林尾再追加燒鱈魚乾，同埋燒芝士年糕。壽司拼盤有九件，上枱嘅時候望見魚生同海膽都好有光澤，識落一啲都唔腥。第一題係件蝦刺身壽司，蝦身透明，蝦肉鮮甜。厚燒鰻魚玉子，要夾起唔係咁容易，因為玉子好滑好滑。稍為用力少少，玉子蛋都會散開。火喉啱啱好嘅玉子，包住一片薄薄嘅鰻魚，再配上甜甜地嘅鰻魚汁，完美配搭。清酒煮蜆 有殻蜆肉分量一啲都唔小，仲有「海量」咁多嘅海帶。雖然清酒味不算太濃，但因為蜆肉海帶分量多，個湯都好夠鮮味，當係蜆肉湯飲啦！燒鱈魚塊 其實普普通通，可能因為唔係太熱，好似食緊包裝魷魚絲。燒芝士年糕，熱辣辣加埋半溶芝士，基本上十拿九穩，零意外。