Miss Saigon Vietnamese Cuisine (Closed)

今日假期，開開心心諗住帶媽媽試下新餐廳，我媽一向鍾意食越南泰國果啲香口野，所以見今日放假，帶佢黎呢度試下午餐。我媽媽叫左個香矛豬扒春卷撈檬豬扒好乾⋯撈檬都好乾，加左好多魚露都唔得，而且加太多魚露會太咸⋯同埋撈檬應該係有basil, mints 等香草吊味，會有生菜增加口感，但佢地乜都無，只有唔新鮮嘅沙律菜⋯十分奇怪食緊佢春卷時，我媽媽咬到「噠」一聲，好似沙石碎嘅野⋯我叫佢唔好吞⋯好危險⋯吐出黎先，之後我地搵到粒白色嘅石仔，咁岩有位男職員行過，我問佢，點解春卷入面有石仔？佢接過手話拎入廚房問，之後有個白色眼鏡的女職員過黎話係「炒米粒」下？炒米粒？我問可唔可以俾我地睇多次，佢話「我掉左喇」🙄🙄🙄🙄呢啲係咪叫毀屍滅跡？？後悔無影到粒石仔出黎⋯紙巾係我媽媽吐出黎，搵到石仔的春卷天氣乾乾地我叫左個蕃茄牛尾湯河，完全無蕃茄味⋯牛尾好乾好硬⋯唔好食⋯都有一樣好嘅，落單果陣哥哥聽到我媽媽咳，主動問要唔要暖水，呢間無良心餐廳好采請到個好員工。