千家客 (Closed)

見到食評講到好正，我就即管特登去試，見到餐牌一打雲吞要$98，足足貴過我至愛嘅沾仔記雲吞一倍，所以我都要提高番要求。我叫咗一碗雲吞牛腩河($48+10)，一送到枱上，就聞到濃烈嘅蝦子味，雖然我唔係特別鐘意蝦子，都真係覺得好香，至於主角雲吞，大小適中，蝦都是原隻，沒有甚麼特別，湯底韮王味濃，如果唔理價錢，都係一碗好味嘅雲吞。另外，一杯羅漢果茶要$20，冇乜特別，甜甜哋，好彩係送嘅，要錢的話我就唔會叫整體而言，下次路過都會去食，但唔會特登去食。