壹匯中菜廳 (星峰薈) (Closed)

之前母親節去咗酒店食飯，終於得閒出番個post😂母親節四人餐 $688法式焗珍寶蝦球伊麵蝦球有六隻，就算彈牙，伊麵底個汁好濃，食落幾好味，係個賣相差咗少少。金瑤原隻鮑魚伴鮮菜六隻正常大小嘅鮑魚，入口煙韌，正常蔬菜，基本上就係鮑魚汁嘅味道。竹笙花膠燴肚翅鹹鹹地，少量花膠同翅，同出面一般酒樓食到嘅分別唔大。錦繡燒味拼盤有叉燒、豉油雞、燒腩肉同海蜇。肉類入味，雞肉嫩滑，燒腩外皮好脆，海蜇爽口，如果係麻辣味嘅開蜇就更好。脆蚌小炒王主要係韭菜、蝦、腰果同蚌炒成，蚌份量唔多，都係每人一舊起兩舊止，基本上都係食韭菜，不過味道係唔錯嘅。清蒸生猛海石斑石斑一斤左右，正得啱啱好，肉質嫩滑，配正常蒸魚豉油汁。佳節孖寶餐 $388上湯焗西澳龍蝦伊麵同蝦伊麵一樣，伊麵底個汁好濃，成個伊麵好好食，正常size嘅龍蝦，肉質彈牙，係食得論盡啲。脆皮一品燒雞燒雞中size，外皮夠脆，雞肉硬身少少，冇咩肉汁。總括黎講係一個一般酒樓質素嘅套餐，冇乜大分別，性價比唔高。係啲特別日先去會食一次嘅嘢。