雅士餐廳

Open Now

Now Closed

由細到大都係住喺聯和墟，大個咗搬咗出去住有時都幾掛住聯和墟嘅嘢食。依幾年都好多人鍾意入去聯和墟搵嘢食，二聯和墟嘅西餐廳選擇唔係太多，一間係我由細食到大嘅餐廳，全家都幫襯咗佢好多年，見有機會同老竇撐枱腳，就去再試下佢啲扒。老竇叫咗個鑊仔牛柳餐，我就叫咗個銀雪魚配西冷扒餐。不得不提佢個羅宋湯真係好好飲，辣辣地而且好香濃，食得出佢係煮咗好耐，所以次次嚟都一定會跟餐飲佢個湯。試咗老竇幾舊鑊仔牛柳，都好有牛味，而且易咬又唔會有梳打粉味，都幾出色。我自己嗰份銀雪魚都算唔錯，魚肉都夠滑同埋夠香，塊西冷扒都肥瘦適中，口感都算唔錯，唔會過熟過生。最尾仲送多個啫喱或者雪糕，為我嘅回憶一餐畫上一個完美嘅句號。不過回憶就真係唔係太平啦，以前食好似$100就可以走，依家一個餐都加到$200啦，百物騰貴，都冇辦法，好在佢價錢貴左但係食物質素都仲keep得住，所以都已經叫唔錯㗎啦。