Video
Read full review
2024-03-16
1084 views
今日去咗 lazy Creatures 食lunch，叫咗三個set lunch，每個都幾特別。第一個係韓式三文魚柳丼飯，第二個係椒絲腐乳Carbonara ，最後一個係嫩雞沾烏冬，另加一杯泰式奶茶。 比較複雜嘅係第一個丼飯，點解話複雜，因為真係好多唔同嘅材料，超級健康，最搶眼一定係個三文魚柳，個魚柳表面有啲焦香味，好厚身，但係煮到啱啱好，少少半山熟感，叫韓式風味，相信就係用咗啲韓式辣醬，但唔算太辣，其他配菜好健康，就好似嗰半個牛油果，最後另外仲有個泡菜薯仔沙律，麻醬嘅甜味同泡菜撈埋一齊又好似幾夾，成個菜式好多唔同顏色，見到都好開心。 個椒絲腐乳 Carbonara ，又係估唔到咁夾，腐乳味唔算好濃，太濃嘅話應該會變咗中菜，有啲似中菜同西餐fusion，加埋隻雞蛋撈勻啲汁，真係幾開胃。 最後係一個嫩雞沾烏冬，個餐配咗碟蓮藕配菜，蓮藕少少甜，普普通通但味道容易入口，個湯有淡淡嘅奶味，烏冬上面有塊檸檬，我估應該係放入個湯度，雖然有啲奇怪，但係有少少酸味又令到個湯好似突出咗。但係要減分嘅係個檸檬勁多核。啲雞又真係做到嫩滑，但係味道略嫌淡咗啲，不過連埋啲湯一齊食，效果又唔錯，隻流心蛋就唔係好識
比較複雜嘅係第一個丼飯，點解話複雜，因為真係好多唔同嘅材料，超級健康，最搶眼一定係個三文魚柳，個魚柳表面有啲焦香味，好厚身，但係煮到啱啱好，少少半山熟感，叫韓式風味，相信就係用咗啲韓式辣醬，但唔算太辣，其他配菜好健康，就好似嗰半個牛油果，最後另外仲有個泡菜薯仔沙律，麻醬嘅甜味同泡菜撈埋一齊又好似幾夾，成個菜式好多唔同顏色，見到都好開心。
個椒絲腐乳 Carbonara ，又係估唔到咁夾，腐乳味唔算好濃，太濃嘅話應該會變咗中菜，有啲似中菜同西餐fusion，加埋隻雞蛋撈勻啲汁，真係幾開胃。
最後係一個嫩雞沾烏冬，個餐配咗碟蓮藕配菜，蓮藕少少甜，普普通通但味道容易入口，個湯有淡淡嘅奶味，烏冬上面有塊檸檬，我估應該係放入個湯度，雖然有啲奇怪，但係有少少酸味又令到個湯好似突出咗。但係要減分嘅係個檸檬勁多核。啲雞又真係做到嫩滑，但係味道略嫌淡咗啲，不過連埋啲湯一齊食，效果又唔錯，隻流心蛋就唔係好識流心，個烏冬雖然係沾烏冬，但係始終自己都係鍾意當湯烏冬咁樣食，所以個湯嘅味令到整體加咗分。最後個泰式奶茶就一般般，係有泰式味但唔夠甜。
成個用餐感覺好健康，就算係 Carbonara ，都因為個椒絲腐乳汁唔係好濃，對於鍾意食濃味嘅我，覺得清淡少少，感覺係一個健康嘅 Carbonara，最後值得一讚嘅係知道佢哋嘅餐牌會成日都轉，見到啲菜式嘅配搭，覺得小店係有心諗菜式，非常滿意嘅晏晝飯。
椒絲腐乳Carbonara
106 views
0 likes
0 comments
嫩雞沾烏冬
89 views
1 likes
0 comments
韓式三文魚柳丼飯
103 views
0 likes
0 comments
Post
