Video
Read full review
2025-02-13
0 views
一直好鍾意豆乳產品，最近留意到好多商場都有呢間新加坡過江龍Jollibean(石磨樂豆)進駐，連屋企附近嘅YOHOMALL 都開咗分店，就搵日試下！Jollibean 30年來都堅持每晚浸豆、每朝煮豆，每日石磨鮮製。店面好小，只做外賣，但食物及飲品款式都好多元化，食物唔單止有甜品及豆乳布丁，仲有唔同口味嘅吐司供應，鹹甜皆備！飲品方面，除咗有生豆乳，仲有豆乳茶、豆乳沙冰、豆乳奶蓋等等，好立克豆乳、即磨咖啡豆乳、微甜濃豆乳都係熱飲，好啱秋冬飲呢！黑白芝麻豆腐花$28豆腐花質感比平時食開嘅挺身，但口感都好滑，唔會嚡口。不愧為豆乳專門店，豆腐花豆味非常香濃，加埋芝麻糊，更添芝麻香！另外配埋糖漿，我冇落都覺得夠味啦！三色芋圓西米露$39好足料，芋圓同西米露份量超級慷慨，款式唔只3色，見到大概有5款呢！芋圓口感Q彈，豆乳豆香濃郩，推薦！奶蓋芋泥小丸子$39 小丸子口感軟糯，份量好足，配搭綿密嘅芋泥、輕盈豆香嘅奶蓋，味道有層次。田園雞扒吐司$41 Size比想像中小，不過雞扒調味唔錯，吐司都算香脆。Jollibean 間中會有期間限定款，例如：討論度甚高嘅川貝枇杷膏豆腐花，好得意！
Jollibean 30年來都堅持每晚浸豆、每朝煮豆，每日石磨鮮製。店面好小，只做外賣，但食物及飲品款式都好多元化，食物唔單止有甜品及豆乳布丁，仲有唔同口味嘅吐司供應，鹹甜皆備！
飲品方面，除咗有生豆乳，仲有豆乳茶、豆乳沙冰、豆乳奶蓋等等，好立克豆乳、即磨咖啡豆乳、微甜濃豆乳都係熱飲，好啱秋冬飲呢！
黑白芝麻豆腐花$28
豆腐花質感比平時食開嘅挺身，但口感都好滑，唔會嚡口。不愧為豆乳專門店，豆腐花豆味非常香濃，加埋芝麻糊，更添芝麻香！另外配埋糖漿，我冇落都覺得夠味啦！
三色芋圓西米露$39
好足料，芋圓同西米露份量超級慷慨，款式唔只3色，見到大概有5款呢！芋圓口感Q彈，豆乳豆香濃郩，推薦！
奶蓋芋泥小丸子$39
小丸子口感軟糯，份量好足，配搭綿密嘅芋泥、輕盈豆香嘅奶蓋，味道有層次。
田園雞扒吐司$41
Size比想像中小，不過雞扒調味唔錯，吐司都算香脆。
Jollibean 間中會有期間限定款，例如：討論度甚高嘅川貝枇杷膏豆腐花，好得意！
Post
