八蠔吧 (Closed)

朋友介紹上環有一間食生蠔🦪的好地方，上環地鐵站出口行大概7-8分鐘, 條街夜晚比較靜，門口格仔綠色磚份外顯眼，有幾級樓梯。餐廳酒吧格局，有一個載滿當日生蠔🦪的玻璃櫃子，而牆上的黑板會寫上當日新鮮生蠔的種類。今晚有六款生蠔🦪，店長話今日新鮮飛機運到，包括一款來自澳洲一款來自南非另外四款來自法國。餐牌價錢有1隻，6隻,同埋12隻。今晚我就想試曬6款，所以Order 6隻。佢哋嘅生蠔確實同出邊係有分別， 非常新鮮，海水味濃，這幾款口感比較爽脆，而且帶甜味。如果怕生食，可以選擇焗蠔，仲有幾款topping 揀。另外我再order 卡邦尼意粉及炸魚薯條, 意粉令我非常驚喜, 用正宗煮法，口感豐富，滋味，奶油芝士蛋黃味道平均，確實美味。炸魚薯條，炸得非常香脆，乾身。而且用厚厚大大的魚肉，加少少鹽，更提升味道。