Plat du Jour (Closed)

又黎到每月一豪嘅環節，去咗鰂魚涌呢間食法國菜嘅餐廳，貪佢啲菜式睇落好似比較特別，但其實法國菜係咪真係食呢啲，我係冇乜研究的。嗌咗2個set，其中一個包甜品（即係2+3courses），第一個頭盤係蒜蓉牛油焗田螺配法包，咁樣整，惹味係基本要求啦，田螺肉比較腍，唔夠彈牙，反而將蒜蓉搽上麵包度食仲好食。另一個頭盤係煎北海道帶子配煙肉青豆汁。同田螺一樣，主角一般但個汁好食，可能因為啱啱食完蒜蓉，感覺佢味道淡咗啲。主菜係烤羊臀肉配薯蓉·迷迭香汁，點菜嘅時候，淨係睇到個名都覺得羶，就專登嗌黎試吓，一食果然非同凡響。羊肉，仲要臀肉，真係好重口味，所以如果太多羊肉味，迷迭香就冇訂企啦，完全食唔到個汁喺邊度。另一個主菜係厚切豬扒配蘋果白蘭地汁，上面果堆菜絲係有個名堂嘅，但味道唔特別，所以只係記得佢係堆菜絲。豬扒本身肉味幾濃，比起個羊臀，豬肉嘅味道真係中庸之道黎，但係個汁都係偏淡，只有小小蘋果味。最後甜品要咗心太軟配雪糕，呢個出色！心太軟個殼夠滑，唔會好似溝餅碎咁樣食落鞋口，軟心唔太甜，唔漏。至於上面插住枝蠟燭，口感唔清楚，但個火唔吹唔熄，一吹就熄，都值得一讚。其實卜檯嘅時候有講係紀念日慶祝，所以佢個甜品