香江茶餐廳

Open Now

Now Closed

好少去柴灣，係附近行outlet，有人介紹去街市据扒，但去到太晏，關左。 之後周圍行，就撞到呢間個腦即時好有共鳴既茶記。 香江茶餐廳。呢類型舊式茶餐廳 已經買少見少。老式幾十年既裝橫，對比宜家一街連鎖茶餐廳... 真正見證時代變遷。小時候長大既畫面出哂黎。個人覺得有時食野味道真係唔係最重要一環。叫左椒鹽骨飯 凍奶茶。味道稱不上特別， 就可能因為呢種平凡，唔係特別好食，但一啖一啖食下食下就食哂。食既可以話係回憶，人情味, 一住食，一住好多回憶。 細個周圍爬既繩網，火車架等等.. 同阿爸阿媽樓下樓上既鄰居d仔女玩捉。等等.. 旁邊仲有d舊式士多，呢個老區比我諗返起好多野。真係買少見少，希望呢d老鋪老師傅可以支持落去。P.s. 碟飯好大碟，價錢便宜，各樣都實屬一般，呢個好評係支持佢地咁多年到宜家既堅持，份精神。