燒洒一族

Open Now

Now Closed

今日放工經過v city，諗住買外賣番去食，見到呢間舖頭咁得意，啲燒味放到好似西餅店咁，不如買黎試下。醬燒豬肋骨飯，豬肋骨顏色同醬汁有啲似叉燒，食落又似西式BBQ風味，但價錢一啲都貴，40蚊咋！惹味燒春雞飯，雞件份量好多，仲要啖啖肉，雞香又滑，加埋隻酒醉溏心蛋，迫爆飯盒。岩鹽烤鯖魚柳，烤得好好，保留到魚香肉汁，唔算多骨。蜜糖黑椒鴨胸，肉質有彈性，食落微甜蜜汁，黑椒提味，好好食！酒醉雞卷，好濃郁既酒味，雞肉雞皮好嫩滑入味，正！樽裝方便衞生，食唔晒又可以直接放入雪櫃。麻辣豬耳，好夠麻香，辣度十足，送飯一流，最重要係香港製造添！