FRITES Belgium on Tap (海濱匯)

Open Now

Now Closed

行過見到佢店鋪好靚好有 feel， 企咗一陣，門口好高大嘅南亞裔男侍應，完全冇主動招呼我，問佢，先畀個餐牌我。我再問佢有冇lunch menu，佢先叫我自己用二維碼scan個menu 。lunch express，有牛扒, $255. 220G USDA striploin。 我決定入座，帶位嘅男士完全黑面。 我叫咗個牛扒午餐，頭盤點了沙律，沙律 好新鮮 好好食，仲有雞肉， 個沙律醬做得啱啱好。反而牛扒配個沙律勁恐怖，水浸咁，啲汁超鹹超酸 ， 好彩比較細份，酸到牙都痛 。比利時式薯條， 所以比較鹹 ， 但係好大份，炸得比較耐，有啲硬身。 講番個牛扒，medium rare， 切開嚟有少少粉嫩， 煮得啱啱好 ，有肉味，亦唔 rough, 呢個牛扒真心唔錯， 佢冇汁可以揀，係配上牛油。甜品點咗個朱古力mousse 。細細個啱啱好，唔會太甜太膩。Lunch 再加杯飲品300幾蚊 ，不過個服務真係唔掂， 唔會再回頭，因為個服務真係好趕客。