悅滿軒

食lunch set，頭盤有沙律，麵包同蘑菇湯。沙律好食。菜新鮮，醬汁係有啲橙同柚子嘅味，好fresh。麵包有啲蕃茄同唔知咩nuts係入面，我就麻麻呢隻味，俾左一小口牛油，但個牛油無乜味唔香，提升唔到麵包嘅味。個蘑菇湯開頭飲個幾啖就夠晒菇味覺得唔錯，但我諗佢加得多麵粉（我有煮過所以我知係會落麵粉去令佢杰身），好漿口，越飲就開始無左菇味，粉味勁，而且仲有啲溜。主菜係香煎龍蝦配龍蝦汁risotto賣相係幾好，半隻龍蝦，橙橙紅紅的確令人食慾大增。龍蝦用芝士焗左，但過左火，好靭，嘥左隻龍蝦。到個risotto，個飯太淋啦，粥咁，攪到好滯，但個汁就唔錯嘅。我再加左$68要左個tiramisu。唉，一食落口，我無食過呢種味嘅tiramisu。就算平價餅店啲tiramisu都好食過呢個。呢個完全無酒味，無芝士味，得陣假甜味，我呢個甜品焚化爐都搞唔掂，食剩1/4。埋單$300，唔係話好貴，但真係價錢同味道唔成正比。