炎天丼 (Closed)

間舖喺大埔果時我成日食，佢搬嚟旺角咁耐第一次食。叫咗個海膽天丼，天婦羅即叫即炸都唔算等好耐，口感依舊香脆。天婦羅色澤比以前啡，感覺啲油唔夠新鮮，天婦羅汁要叫先至俾，丼飯冇咗飯素，味道完全失晒分，我見menu及牆上海報仲教人要落飯素食，但係唔見有提供囉。（飯素主要由海苔、芝麻及鰹魚碎等組成，乃精華所在，沒有它簡直欠缺靈魂）仲有啲飯唔熱嘅......好失望今日早嚟唔使點排隊，點餐及收錢都好快，但環境比較污糟，張枱抹咗都痴立立，有果蠅圍住水壺飛。