Video
Read full review
2023-12-27
577 views
聖誕節同成班朋友嚟食brunch 知道個package係$498 +10% 嘢食同甜品free flow , 比起佢平時嘅brunch， 四百幾蚊有埋酒free flow 嚟得貴，不過聖誕節都知咁上下，唯有期待吓啲嘢食。點知去到如果想食鵝肝多士，仲要加多$100一位，如果唔係前菜就有 ：牛角包，omelette (奄列蛋卷），signature 流心蛋窩夫，同埋蟹肉海苔沙律。signature 流心蛋窩夫果然係名不虛傳, 流心蛋加上煎香左嘅窩夫同埋蜜糖，仲有煙肉，鹹鹹甜甜嘅組合令人食到好上癮，不過同時都因為留心蛋嘅關係，所以都幾濟，女仔食兩個都已經覺得好飽。奄列蛋卷係我覺得最唔好食嘅一個，冇乜味道，而且好普通，加多咗少少芝士，不過就好膩，所以free flow 最多都只能食兩個。主食就只有 signature 嘅 home made pasta ，佢個手打意粉究竟係整得唔好？定係我唔識欣賞？佢煙靭得來，但係又有少少好似未熟嘅感覺。個意粉嚟到嘅時候會黐埋一住，就算個汁偏油，同啲意粉撈埋都未能夠分開到啲意粉。同時因為個汁好油嘅關係，一個人都食唔到好多。同埋唔知係咪我哋坐室外嘅關係，啲嘢食嚟
知道個package係$498 +10% 嘢食同甜品free flow , 比起佢平時嘅brunch， 四百幾蚊有埋酒free flow 嚟得貴，不過聖誕節都知咁上下，唯有期待吓啲嘢食。
點知去到如果想食鵝肝多士，仲要加多$100一位，如果唔係前菜就有 ：牛角包，omelette (奄列蛋卷），signature 流心蛋窩夫，同埋蟹肉海苔沙律。signature 流心蛋窩夫果然係名不虛傳, 流心蛋加上煎香左嘅窩夫同埋蜜糖，仲有煙肉，鹹鹹甜甜嘅組合令人食到好上癮，不過同時都因為留心蛋嘅關係，所以都幾濟，女仔食兩個都已經覺得好飽。
奄列蛋卷係我覺得最唔好食嘅一個，冇乜味道，而且好普通，加多咗少少芝士，不過就好膩，所以free flow 最多都只能食兩個。
主食就只有 signature 嘅 home made pasta ，
佢個手打意粉究竟係整得唔好？定係我唔識欣賞？佢煙靭得來，但係又有少少好似未熟嘅感覺。個意粉嚟到嘅時候會黐埋一住，就算個汁偏油，同啲意粉撈埋都未能夠分開到啲意粉。
同時因為個汁好油嘅關係，一個人都食唔到好多。
同埋唔知係咪我哋坐室外嘅關係，啲嘢食嚟到都係偏凍，好似有自助餐嘅感覺，而唔係即叫即整。
甜品方面就較為出色，有王牌嘅火焰雪山雪糕蛋糕，用酒同火燒燶少少個外皮，入邊係雪糕同埋柚子蓉，外暖內凍，冰火二重奏嘅感覺，成個甜品亦都好清新👍🏻👍🏻
另外仲有士多啤梨窩夫，黑森林蛋糕，同埋雲呢拿雪糕，甜品方面味道都不過不失。
我哋七個人冇order酒精free flow，開咗兩支紅酒，最平都要成$1000一支，最後埋單每人都要成$800，總結係食氣氛還好，但係fine dine quality嘅brunch 嚟講, 比呢個價錢有好多其他嘅選擇。
順帶一提，其實以fine dine resto 嚟計服務都係真係幾一般
1 views
0 likes
0 comments
3 views
0 likes
0 comments
Post
